7 formas de organizar a almacenaxe nun dormitorio infantil

Como poderías facer que ao teu fillo lle resulte máis doado chegar aos seus xoguetes? Podes probar cunha solución de almacenaxe baixa para as cousas máis grandes e os xoguetes que poidan coller sen axuda, e poñer o resto fóra do seu alcance, nos caixóns de parede. Así, poden xogar co que teñen á man e ti irás sacando os "novos" xoguetes dos caixóns máis altos cando chegue o momento de cambiar de aires.

Asigna espazos específicos para actividades creativas e que requiran concentración. Pon os rotuladores, o papel e outros artigos de papelería e para facer manualidades en caixas de fácil acceso e organizadores nun estante aberto preto do seu escritorio. Deste xeito, o teu fillo poderá sentar e poñerse mans á obra decontado. Dálle o toque final cunha lámpada de traballo divertida cunha boa iluminación.

Unha vitrina sinxela ou un sistema de almacenaxe de parede poden ofrecer unha exposición temporal dos obxectos favoritos do teu fillo en cada momento, sexan xoguetes, libros ou encantadoras peluches. Ademais de inspiralos e proporcionar un aire alegre, fará que lles resulte máis doado coller aquilo co que queiran xogar ou o libro que lles apeteza ler.

As solucións de almacenaxe alegres, divertidas e móbiles tamén che axudan a ordenar nun instante. Un sistema de almacenaxe con compartimentos ofrece moitas oportunidades de xogo e pódese desprazar a un extremo do cuarto se é preciso. Tamén podes utilizar unha caixa con rodas para gardar os xoguetes que o teu fillo usa a diario e que "van durmir" ao mesmo tempo ca el.

Todas as tarefas da casa son un chisco máis sinxelas cun ou dous sorrisos (si, tamén ordenar). Proba con mobles con almacenaxe incorporado para ordenalo todo nun instante e dedicarvos a pasalo en grande. Tamén podes inventar entretidos xogos "de ordenar", como alimentar a balea con xoguetes. Engade unha canción alegre para conseguir ese toque de enerxía que manteña un ambiente animado.