Saltar

Consellos para empezar a vida cun novo bebé

Os bebés están moi ben deseñados. Moito mellor do que o faría calquera empresa. O mellor que podemos facer no mundo é deseñarmos cousas que funcionen á perfección cos bebés e que lles axuden a medrar de xeito natural e nunha contorna segura. Moitas empresas afirman ser expertas en bebés. Os deseñadores e desenvolvedores de produtos de IKEA teñen unha perspectiva un pouco diferente: un bebé é parte dunha familia, e se todos os que se preocupan por el están a gusto, o bebé estarao tamén. Non se trata só do teu bebé, senón tamén de ti. Os dous en conxunto.

Un neno pequeno sentado nun berce SUNDVIK, cun lado retirado e roupa de cama GULSPARV, mirando á súa nai, sentada a carón.
Un neno pequeno sentado nun berce SUNDVIK, cun lado retirado e roupa de cama GULSPARV, mirando á súa nai, sentada a carón.

Cousas que tes que ter preparadas para o bebé

Catro ideas interesantes: Os estores ou cortinas opacas permiten escurecer o cuarto do bebé cando se precise. Pero faite cunha suave luz nocturna, que tamén che haberá facer falta. Unha almofada como a LEN pode facer máis fácil e cómoda a lactancia. Fai provisión de toallas pequenas. Aos bebés gústalles arrotar.

Velaquí todos os produtos para bebé
Velaquí todos os produtos para bebé

A zona natural do bebé

Os bebés nacen cunha pel moi finiña, respiran moito máis rápido que os adultos e son moi sensibles á luz e ao son. Ou sexa, que son como un paquete fráxil. Fai do teu fogar un lugar acolledor, tranquilo e o máis libre de produtos químicos posible. Podes confiar en que toda a gama de produtos para bebés de IKEA foi deseñada tendo en conta a seguridade e a tolerancia cero cara aos produtos químicos nocivos.

Velaquí todos os téxtiles para bebé
Velaquí todos os téxtiles para bebé

Música para bebés

Nos primeiros meses é cando se desenvolve a vista e o ouvido dun bebé. A luz e a sombra importan máis que a cor, e a melodía importa máis que a letra. O movemento de follas ou un móbil sobre o berce captarán a súa atención visual. A voz dunha canción ou un xoguete musical, como a eiruga KLAPPA, estimulará á súa atención auditiva.

Velaquí todos os xoguetes para bebé
Velaquí todos os xoguetes para bebé

Precisas menos do que pensas

Se es un proxenitor experimentado, xa o saberás, pero se este é a túa primeira vez como pai, talvez un bebé che pareza algo doutro planeta. Teralo todo preparado para ir mercar 10 unidades de cada cousa, e algunha máis de reposto, non vaia ser que se esgoten... De todo a esgalla. Sen dúbida, o teu bebé merece o mellor, pero a calidade é máis importante que a cantidade.

En serio, todo vai saír ben

Calquera que teña un bebé ao seu cargo recibirá consellos por todos os sitios. E canto máis investigas, máis contraditorio che parecerá todo. Isto pode facer que te estreses, pero ten en conta que iso é o último que precisa o teu bebé. Reláxate, confía no teu instinto e lembra que só son consellos.

Velaquí todos os berces
Velaquí todos os berces

Creado para medrar co teu bebé

Hai unha cousa que non falla cos bebés: están continuamente cambiando. Pódeche parecer que mercar cousas para eles sexa tirar o diñeiro porque, ao pouco de compralas, xa non lles valen. IKEA ten isto moi presente no deseño dos seus produtos. Moitos dos nosos produtos pódense adaptar para que o teu fillo poida utilizalos durante moito máis tempo: desde berces axustables cun lado desmontable ata o cambiador SUNDVIK, que se converte nunha cómoda.

Velaquí todos os cambiadores
Velaquí todos os cambiadores

Deseñado e probado para bebés

Os bebés son os exploradores máis pequenos do mundo. Os produtos de IKEA foron deseñados tendo en conta a seguridade dende o primeiro momento. Isto significa que empregamos bordos redondeados, sen ocos nin aberturas nas que se poidan coller dedos pequeniños, sen pezas pequenas nin cables soltos, e con accesorios de seguridade de suxeición en parede para todos os mobles que o precisen.

Velaquí máis sobre a seguridade dos produtos
Velaquí máis sobre a seguridade dos produtos