Nesta casa, as e os máis pequenos poderán gardar a roupa no tellado e os xoguetes no andar principal. Inclúe un caixón rodante extraíble onde recoller todo ao acabar de xogar.
Detalles do produto
Almacenaxe práctica e resistente con espazo para roupa e cousas pequenas no teito e xoguetes máis grandes no caixón extraíble.
Nesta casa con almacenaxe a baixa altura, o teu fillo poderá chegar facilmente e ordenar a súa roupa, cousas pequenas e xoguetes por si só.
O caixón pódese extraer de calquera lado longo, xa que non está fixado á estrutura.
Charlie Styrbjörn
Medicións
- Ancho: 80 cm
- fondo: 55 cm
- Altura: 78 cm
- Ancho de caixón (int): 71 cm
- Fondo de caixón (int): 51 cm
- Altura caixón (int): 22 cm
Opinións dos clientes
Explora as túas opcións
Proba os mobles e a decoración nun espazo virtual antes de mercar para atopar os que mellor se adapten ao teu fogar.
Almacenaxe para crianzas
Canto custa manter a orde nun dormitorio infantil! Para conseguilo, unha das opcións é utilizar solucións de almacenaxe que lles resulten divertidas e graciosas. A almacenaxe VITBJÖRN semella unha casa clásica por fóra, pero por dentro está chea de xoguetes, roupa e outras cousas que precisan un sitio de seu.
Os mobles de almacenaxe infantís teñen que ser funcionais, estables e seguros, porque a seguridade é a nosa prioridade. Mais isto non implica necesariamente que todos teñan que ser como as clásicas cómodas ou roupeiros. Sempre estamos na procura de novas solucións seguras e divertidas, e así naceu VITBJÖRN, con forma de casa clásica co tellado vermello. "Ten unha forma facilmente recoñecible por todo o mundo", di o deseñador Charlie Styrbjörn.
A inspiración vén dos xeados
VITBJÖRN é un moble baixo e robusto. Incorpora un caixón sobre rodas na parte inferior e almacenaxe detrás das portas escorregadizas que hai debaixo do tellado da casa. Se colocas o VITBJÖRN no medio da estancia ou co lado máis curto contra a parede, poderás acceder ao caixón e ao espazo de almacenaxe superior desde calquera dos dous lados. A inspiración para crear as portas escorregadizas vén da propia infancia de Charlie. "Encántanme as tampas escorregadizas que hai nos conxeladores das xeadarías e como hai que tirar delas para chegar ao prezado xeado". O divisor no medio da almacenaxe superior axuda manter a orde e evita que as crianzas máis curiosas fagan das súas.
Un sitio para as súas cousas
Extrae completamente o caixón e converte o espazo do fondo nun garaxe para coches de xoguete, nun mundo de dinosauros ou talvez nunha cabana secreta. E cando acaben de xogar, abonda con volver a pór o caixón no seu sitio. "Agardo que VITBJÖRN lles abra o apetito de xogar, pero que tamén represente un paso adiante para facerse responsables das súas cousas. Un espazo exclusivo e de seu".