UNDERHÅLLA Tarxetas cn letras, números, signos
Como conseguilo
Grazas a estas tarxetas, os máis pequenos da casa aprenderán as letras e os números. E os xa menos pequenos aprenderán a contar ou e a formar palabras ou frases curtas.
Detalles do produto
Este xogo inclúe 64 tarxetas con números, símbolos e letras en maiúsculas e minúsculas. As letras máis comúns repítense para os máis pequenos poidan crear palabras ou frases curtas.
Dado que os alfabetos de moitas linguas conteñen letras especiais (como ä e ö en finés), tamén se inclúen tarxetas en branco co símbolo dun bolígrafo onde o teu pequeno poderá escribir as súas propias letras.
Podes utilizar as tarxetas para xogar a distintos xogos, como a busca do tesouro ou a carreira das letras e dos números.
Intuitivas e con símbolos de cores para dar pistas ós máis pequenos.
Axuda a adestrar a memoria mediante o recoñecemento, asociación e repetición.
Colocar, encastelar e sacar as tarxetas do escritorio mellora as habilidades motoras do cativo.
Perfecto para cativos en idade preescolar ou nos primeiros niveis da escola.
Parte da serie UNDERHÅLLA: xoguetes educativos e clásicos que facilitan a aprendizaxe do alfabeto e o reloxo, a contar e a conexión entre formas e equilibrio.
Henrik Johansson
Medicións
- Unidades: 64 pack
Opinións dos clientes
A diversión da aprendizaxe
Xogar é, por riba de todo, divertido, mais tamén é unha parte fundamental no desenvolvemento de toda crianza. Creamos UNDERHÅLLA para estimular unha aprendizaxe divertida e inspiradora. A serie conta con xoguetes de madeira pedagóxicos, tarxetas con letras e números... en resumo, cousas que xogan un papel importante nun mundo cada vez máis dixital.
"Si, é importante que as nenas e nenos teñan a oportunidade de xogar e aprender con distintos xogos e xoguetes, dá igual que estes sexan tradicionais ou dixitais. Porque aí está a diversidade e a liberdade da infancia", di Kristiina Kumpulainen. Kristiina é catedrática de Educación e directora científica do Centro de Aprendizaxe Lúdica da Universidade de Helsinki. Os seus estudos céntranse na aprendizaxe infantil e como o deseño afecta as capacidades de aprendizaxe dos e das máis pequenas.
Tarxetas para todas as idades
Cando deseñamos as tarxetas da serie UNDERHÅLLA, tivemos que achar o tamaño e o estilo exacto de letras e números, para as nenas e nenos as recoñeceren facilmente, independentemente da idade ou lugar de procedencia. Pedinlle consello a Kristiina Kumpulainen e díxome que crease tarxetas con símbolos familiares, como casas e corazóns. "Desa maneira incluímos tarxetas cun significado para todo o mundo, mesmo para as nenas e nenos que aínda non coñecen as letras. Os nenos son moi creativos e é bo que as cousas coas que xoguen non actúen como unha barreira, senón como un estímulo máis".
Xogar mellora as habilidades
Tarxetas, ábacos, reloxo e bloques de construción: todos os compoñentes da serie UNDERHÅLLA están pensados para xogar. "Sabemos que xogar é parte da natureza dun neno, pero mentres xogan practican habilidades sociais, emocionais e cognitivas e é unha forma de eles e elas xestionaren as súas emocións. Xogar é unha forma sa e rica de aprender que mellora o benestar", di Kristiina. E os xogos e xoguetes análogos abren un abano de posibilidades especial. As e os nenos poden xogar con eles en calquera momento e en calquera parte, xa que non requiren electricidade nin conexión a internet. Estupendo, non si?
Funcionalidade
Como xogar coas tarxeta UNDERHÅLLA con letras, números e símbolos.
A busca do tesouro: coloca as tarxetas no chan e pídelle que encontre cousas na casa que comecen por cada letra. Carreira de letras e números: coloca as tarxetas no chan, a modo de circuíto de carreiras, en orde alfabética ou ó chou. Di unha letra ou número e despois pídelle que leve o coche ata alí. Sopa de letras: mestura as tarxetas de xeito que queden á vista. Di unha letra ou número e pídelle que a encontre. Podes pedir ós cativos máis maiores que encontren as letras dunha palabra en concreto e que as coloquen na orde correcta. Crea os teus propios xogos: as posibilidades son infinitas.