SYMFONISK Lámpada pé con altofalante Wi-Fi, bambú/intelixente
Como conseguilo
- Compatible con IKEA Home smart
Altofalante wifi con son a 180 graos e lámpada de pé, todo nun. O globo de bambú emite un brillo cálido e acolledor, e o altofalante un son de moi grandísima calidade. Unha colaboración entre IKEA e Sonos.
Detalles do produto
Coa lámpada de pé SYMFONISTK con altofalante wifi podes crear a atmosfera que buscas. Perfecta para o dormitorio ou canda o sofá da sala.
A tecnoloxía pasa a ser parte da decoración por medio desta combinación de altofalante e lámpada de pé de bambú, para un fogar máis uniforme e elegante.
Conecta 2 altofalantes wifi idénticos para crear a parella perfecta. Tamén podes combinala cunha lámpada altofalante de chan e unha lámpada altofalante de mesa con wifi.
Utilízao como única fonte de son nunha habitación ou combínao con outros produtos da serie SYMFONISK ou Sonos para obter un sistema estéreo.
Podes reproducir música, podcasts e radio por wifi sen as interrupcións de chamadas nin notificacións. A música continúa soando mesmo cando a tablet ou o teléfono están lonxe.
Podes agrupar todos os altofalantes da serie SYMFONISK e de Sonos entre si para reproduciren o mesmo contido ó mesmo tempo e escoitalos por toda a casa.
Escoita un podcast no dormitorio mentres outra persoa escoita música na sala de estar, ou reproducide o mesmo contido en todos os altofalantes. Axusta o volume dos altofalantes un por un ou todos ó mesmo tempo.
É compatible cos principais servizos de subscrición de música en streaming.
Construción estable para minimizar o risco de caída.
Compatible con Airplay 2; permíteche transmitir música en streaming directamente desde os teus dispositivos Apple.
Compatible con Spotify Connect para que escoites música en streaming directamente no altofalante coa app de Spotify.
Iina Vuorivirta
Medicións
- Máx.: 15 W
- Ancho: 37 cm
- fondo: 37 cm
- Altura: 136 cm
- lonxitude do cable: 350 cm
Opinións dos clientes
Música e luz para crear ambiente
A serie SYMFONISK, unha colaboración con Sonos, sigue a medrar, agora con altofalantes con wifi cos que o son pasará a ser parte do decorado. Agora traemos unha lámpada con pantalla de bambú que emite unha luz agradable e acolledora. Con que tipo de música a vas combinar?
En IKEA sabemos un par de cousas sobre deseño de interiores e sobre vida na casa, pero no caso da serie SYMFONISK o que fixemos foi colaborar con Sonos, que son expertos en son. "É unha combinación única coa que queremos que a xente poida escoitar música e a radio sen que os altofalantes lles rouben espazo", di Stjepan Begic, que leva traballando nesta serie desde o comezo. "Puxémonos mutuamente a proba. E o resultado foi esta lámpada con pantalla de bambú".
Sombras na parede
A lámpada SYMFONISK ten unha base estable. Enriba do altofalante está a pantalla urdida. "Probamos con varios materiais antes de optarmos polo bambú. É un material lixeiro agradable á vista e moi decorativo. A luz vese aínda máis bonita a través da urda, xa que crea fermosas sombras na parede", di Stjepan, quen tamén recomenda unha fonte de luz clara para unha mellor iluminación.
Tecnoloxía agochada
Os expertos de Sonos implicáronse desde o primeiro momento para garantir que todo saía ben e que os altofalantes emitían un son satisfactorio. A idea principal con SYMFONISK era que os altofalantes non quedasen á vista para así aforrar espazo e reducir o número de aparellos e cables. "Este é un sistema que se adapta a todo, tanto dá un apartamento pequeno como unha casa grande. E no caso de a familiar ou a casa medrar, podes integrar máis altofalantes no sistema e encher os cuartos de música e luz.