Como conseguilo
Imaxina transformarte nun guepardo, o animal máis rápido da sabana, despois do baño. Esta toalla inclúe unha capucha e a faciana dun guepardo e está feita de felpa, un material suave e agradable ao tacto coa pel.
Detalles do produto
Unha toalla de felpa con capuz para crianzas. 100% de algodón: un material suave e natural moi agradable ao contacto coa pel.
Unha toalla de tacto agradable ideal para secar ao teu bebé despois do baño e mantelo abrigado, xa que é moi grande e absorbente.
A práctica capucha axuda a conservar a calor após un relaxante baño e evita que a toalla caia se á túa filla ou fillo lle dá por moverse moito ou saír correndo.
Grazas ao lazo, poderás penduralo dun gancho ou pomo.
Fácil de manter limpo; lavar á máquina a 60 °C.
O guepardo tamén está dispoñible como peluche en dous tamaños na colección SANDLÖPARE.
Os seus detalles orixinais conseguirán que as e os máis pequenos da casa devezan pola hora do baño, así que esta toalla é o agasallo perfecto para crianzas e as súas familias.
Anna Lagerström
Medicións
- Ancho: 70 cm
- lonxitude: 140 cm
- Peso: 405 g/m²
Opinións dos clientes
Intérnate nas aventuras da sabana
Escoitas o murmurio da herba no vento? E o bruído do elefante? Esquécete dos paseos con gatiños e cans. Agora estás no mundo dos bramidos e as carreiras. Un mundo no que cadaquén ten a súa estratexia para sobrevivir, tanto se é correndo, como agochándose ou cazando. Desata a túa imaxinación e comeza a túa viaxe pola sabana.
"Coas ilustracións de SANDLÖPARE, quería que os nenos descubrisen pouquiño a pouco os animais. Os animais salvaxes agóchanse moi ben, así que, se queres xogar con eles, primeiro terás que atopalos", di a ilustradora Anna Lagerström.
Xoga e aprende cos animais salvaxes
Na colección SANDLÖPARE, os tallos convértense en cebras, o albornoz transfórmanos en guepardo e as alfombras son serpes. Aquí atopámonos con animais fascinantes, como os guepardos, as xirafas, as suricatas e os chimpancés, tanto en forma de peluches como de ilustracións. Agora podemos explorar a sabana con total seguridade e aprender sobre todos os animais que viven aquí sen perturbar o seu fráxil hábitat. "En colaboración coa ilustradora Anna Lagerström e o conservatorio sueco da fauna silvestre, Nordens Ark, esta colección pretende inspirar ao xogo, pero tamén ensinarlles os nenos máis cousas sobre os animais en perigo de extinción", afirma la desenvolvedora de produtos Anna Edlundh. "Coa axuda de Nordens Ark, agora podemos garantir que os nosos peluches e ilustracións se achegan aínda máis á realidade". "Crear materiais educativos sen textos é complicado, pero creo que o conseguimos co libro de actividades SANDLÖPARE. Aquí poden aprender sobre a envergadura das aves ou sobre a pegada de cada animal", explica o desenvolvedor de produtos Jorge Omar Santoyo Henaine.
Dálle vida ao cuarto
Con pequenos detalles, a sabana pode cobrar vida na casa. Cambiando a roupa de cama, poñéndolle ao tallo unha funda ou pegando adhesivos decorativos nas paredes e os postes da cama, pódese transformar un cuarto infantil nun reino animal.
Form design process
Crea conciencia sobre as especies ameazadas
IKEA colabora con Nordens Ark, unha fundación sen ánimo de lucro que traballa na conservación da natureza, así como a cría e liberación, a investigación e a educación. Esta colaboración permitiunos comprender mellor os esforzos precisos para protexer os animais salvaxes. Apoiamos a fundación divulgando coñecementos sobre as especies en perigo de extinción tanto a cativos como a adultos. Xunto con Nordens Ark, seguimos a desenvolver produtos que esperten a curiosidade sobre o noso planeta e a súa incrible natureza e vida salvaxe.
A idea tras o produto
A idea tras o produto
"No caso da colección SANDLÖPARE, a miña idea era crear un mundo emocionante e colorido, onde os e as máis pequenas decidisen a súa historia e a que queren xogar, utilizando para iso a súa imaxinación e espontaneidade, no canto de darlles algo xa feito. As agochadas foi o punto de partida, por iso hai detalles de deseño agochados á mantenta e sempre hai algo máis que descubrir, explorar e co que interactuar. Os nenos e nenas non son simples espectadores, tamén son exploradores e heroes na súa propia aventura na sabana".