MÅLA Pintura brillante/fluorescente, cores variadas
Como conseguilo
A serie MÅLA ten todo o que o teu fillo precisa para desenvolver a súa creatividade. Pintar, recortar, debuxar... Trátase de que o pase ben e explore o mundo coa súa imaxinación. Sen límites!
Detalles do produto
A pintura vén lista para usar, pero tamén podes diluíla con auga para crear un efecto máis lixeiro.
Todos os artigos da serie MÅLA son atóxicos. Preocupámonos tanto coma ti pola saúde dos artistas do futuro.
O teu fillo pode pintar cun pincel ou debuxar e escribir coa punta do bote.
A creatividade relaxa e concentra; é ideal após unha longa xornada de cole e actividades.
IKEA of Sweden
Medicións
- volume: 640 ml
- Unidades: 8 pack
Opinións dos clientes
As túas olladas
Explora as túas opcións
Proba os mobles e a decoración xuntos nun espazo virtual e atopa os produtos perfectos para crear un espazo divertido e funcional para o teu fillo.
SostibilidadeAs persoas e o planeta
Enerxía e recursos
Deixa que se expresen
Os rotuladores MÅSONA inocuos, polo que eles divertiranse e ti quedarasche tranquilo. Á fin e ao cabo, os nenos de hoxe son os pensadores e artistas do futuro.
Para os pequenos creadores curiosos
Debuxos e rotuladores sen tampa ciscados por toda a cociña. Sóache? É o bo que ten vivir con nenos porque o certo é que dá a vida. Pintar, debuxar e traballar coas mans son actividades divertidas e importantes, porque teñen unha influencia positiva sobre o seu desenvolvemento. Cando creamos a serie MÅLA, tomamos moi en serio as súas creacións e escoitamos aos verdadeiros expertos: os propios nenos.
O primeiro paso é coñecer a opinión do neno para entender que é o que realmente necesita. Neste proxecto apoiámonos nos coñecementos extraídos da pedagoxía centrada na creatividade. "Decatámonos de que a creatividade non é un simple xogo para as nenas e nenos, son pequenos investigadores que crean para comprender o mundo que os rodea", di Ina Tidbeck Sjöblom, que participou da creación da serie MÅLA.
Para artistas con moito choio
O equipo entrevistou grupos de nenos a quen lles pedimos que probasen os nosos prototipos e nos desen a súa opinión. Cales eran as súas cores favoritas? Que pensaban do papel? "As súas opinións tiñan unha base moi sólida e lóxica. Descubrimos tamén como utilizaban os aparellos para pintar e debuxar. Por exemplo, a un neno de catro anos que está a facer un debuxo non sempre se lle acorda volver a poñerlle a tampa aos rotuladores que vai utilizando. E neses casos, os rotuladores deixan de funcionar aos tres días". Para crear un obxecto final dunha calidade imbatible a un prezo único, pedímoslle ao equipo de desenvolvemento que non escatimase en tempo nin en esforzo. "É moi importante saber o que os nenos fan e como o fan. Por iso tivemos en conta as súas opinións e nos aseguramos de que os produtos satisfacían as súas necesidades.
Comezos sinxelos
A serie MÅLA leva entre nós xa un tempo, mais segue a medrar e evolucionar conforme imos descubrindo necesidades novas e van aparecendo ideas novas. É imperativo que todas as partes dos obxectos sexan fáciles de manipular cando nos vén a inspiración. "Non queremos que os pais do neno teñan que estar con el cada vez que lle apeteza poñerse a pintar ou debuxar. Que poidan facer cousas por si mesmos é unha parte moi importante no seu desenvolvemento persoal. Porque van medrando con cada creación".
Material
Que é o plástico PE?
O PE, ou polietileno, é un plástico versátil con múltiples usos. Tanto pode ser brando e flexible como duro e resistente. En IKEA, utilizamos o PE para fabricar bolsas de plástico, bolsas para conxelar, bloques refrixerantes e táboas de cortar. Unha razón moi importante pola que utilizamos este plástico é que se pode obter a partir de materias primas renovables, como o millo ou a cana de azucre.
Calidade
O xenio creativo vén en tamaño pequeno!
Pinta! Recorta! Debuxa! A serie MÅLA todo o que o teu fillo necesita para dar renda solta á súa imaxinación e creatividade. Pinceis con mango de madeira sen tratar para un bo agarre, tesoiras adaptadas ás mans dos máis pequenos e cores fáciles de mesturar e lavar. Nada de rifar ao teu fillo para que volva poñer a tapa: os nosos rotuladores aguantan 3 días enteiros sen tapa. Todo é non tóxico, por suposto. Porque nos preocupamos tanto como ti pola próxima xeración de mentes creativas.