KNIXHULT Lámpada de teito, bambú/á man, 40 cm
Tamén precisarás
Como conseguilo
Ao crearmos KNIXHULT, queriamos facer unha lámpada cun impacto ambiental mínimo. Para darlle carácter a esta lámpada, empregamos bambú (que doutro xeito sería desbotado). Así aproveitamos ao máximo esta materia prima.
Detalles do produto
Proporciona unha iluminación suave e brillante que crea un ambiente cálido e acolledor no teu fogar.
Cada lámpada é única, xa que ao ser bambú, presenta variacións naturais de cor; ademais, foi trenzada por un experto artesán.
Cando deseñamos a lámpada KNIXHULT utilizamos partes do bambú que xeralmente se descartan, para sacar o máximo partido desta materia prima.
Emma Olbers
Medicións
- Máx.: 13 W
- Altura: 53 cm
- diámetro: 40 cm
- lonxitude do cable: 1.6 m
Opinións dos clientes
As túas olladas
Nada se perde, todo transfórmase
De aquí a 2030, o noso obxectivo é que os nosos produtos estean completamente dentro da economía circular e isto comeza pola serie de lámpadas KNIXHULT de bambú. Mais unha cousa… Que significa realmente "circular"? Entre outras cousas, que só poderemos utilizar materiais reciclados ou renovables, e que todos os nosos produtos deben ser reciclables. Viaxamos a Vietnam e estudamos todo o proceso de produción desde o cultivo da planta, ata o trenzado do produto. O resultado foi KNIXHULT.
Foi ao estar cun provedor en Vietnam que a desenvolvedora de produto Anna Granath e o equipo se decatou de que se utiliza menos do 20% da planta de bambú para tecer decoracións para o fogar. O resto clasifícase e utilízase como combustible. "A miúdo, non hai problema ningún coa calidade, senón que o bambú clasificado simplemente ten variacións mínimas de cor", afirma Anna, a quen esas variacións lle parecen interesantes. "Levamos unha morea de bambú descartado para teceduras de proba e o resultado foi incriblemente bonito e xenuíno. Tornouse aínda máis bonito cando chegou a quenda dos expertos artesáns no noso centro de costura".
Fácil reciclaxe
Aínda en Vietnam, Anna e o seu equipo tamén puideron adaptar a construción da lámpada. Non só para que ocupase o mínimo espazo durante o transporte, senón para que fose doada de separar cando chegase o momento de reciclala. "A pantalla de lámpada de bambú trátase cun verniz a base de auga, polo que debe reciclarse por separado, mentres que o cable e o portalámpada deben reciclarse cos residuos eléctricos", di Anna. "Porén, que chegue á fase da reciclaxe significa que ofreceu moitos anos de iluminación e beleza no fogar".
O coidado dos recursos do planeta
Para Anna, KNIXHULT converteuse en algo máis que unha lámpada cunha iluminación agradable. O proxecto todo permitiulle obter información valiosa. "Creo que todos precisamos ver os recursos da Terra cun novo ollar e cuestionarnos por que parte deles se consideran residuos. KNIXHULT é un pequeno paso dado na dirección axeitada. Ao permitir brillar unha nova expresión, podemos utilizar o 65% do bambú en lugar de só o 20%".
Material
Que é o bambú?
Resistente, flexible e unha das plantas de crecemento máis rápido que hai no mundo. O bambú ten moitas utilidades, tantas que o converten nun material renovable de primeira orde porque, de feito, é unha herba que non precisa fertilizantes nin ser regada para medrar. Para que unha planta de bambú sexa aproveitable teñen que pasar entre 4 e 6 anos. En IKEA utilizámolo para facer mobles, decorados para o baño ou mesmo lámpadas... en realidade sempre estamos a argallar para darlle unha aplicación nova.
A idea tras o produto
A idea tras o produto
“A idea era que a lámpada KNIXHULT tivese pouco impacto ambiental. Por iso eliximos o bambú, unha planta que absorbe máis dióxido de carbono do que emite. Na fábrica descubrimos que se tiraban determinados anacos de bambú, pola súa cor máis escura. Por iso deseñamos un motivo que permita amplas variacións. Estou contenta de elixir un material mellor para a contorna, de que perdésemos menos materia prima e que lográsemos crear unha lámpada con aspecto natural e duradeiro".