As bolsas de area evitan que a base de parasol IGGÖN se mova do seu sitio. Enche as bolsas de area e utiliza as prácticas asas cando teñas que as cambiar de sitio.
Detalles do produto
Deixa de utilizar bases de parasol pesadas e grandes, IGGÖN é fácil de levar para a casa, instalar e mover grazas ás prácticas asas que inclúe cada bolsa.
Non te preocupes por bater as dedas contra as bolsas de area, xa que estas son máis moles cás de cemento ou pedra, aínda cando tamén estean cheas de area.
As bolsas de area están feitas 90% de poliéster reciclado, un tecido impermeable e resistente á humidade e sucidade.
A base do parasol manterase como nova durante máis tempo, xa que o tecido das bolsas de area é resistente á perda de cor e extraíble, para que a poidas extraer facilmente cando a queiras lavar.
As bolsas de area grises transmiten discreción e casan moi ben con case calquera decorado.
A base con forma de cruz é de aceiro inoxidable.
Encontrarás area en case calquera ferretería.
Vén con 2 bolsas de area e 1 base de parasol apta para parasoles de pé.
Marcus Arvonen
Medicións
- Ancho: 60 cm
- fondo: 60 cm
- Diámetro máximo poste: 38 mm
- Diámetro mínimo poste: 32 mm
Opinións dos clientes
A mellor amiga do parasol
Sinceramente, a base do parasol non é o primeiro no que pensamos cando falamos de deseñar un balcón ou unha terraza. Porén, é un elemento asaz importante para gozar ao máximo da vida ao aire libre, especialmente nos días máis solleiros. A base de parasol IGGÖN con sacos de area está pensada para satisfacer as túas necesidades e as do teu parasol.
"Decidimos crear unha base que se adaptase a todos os nosos parasoles", di a deseñadora de produtos Gunilla Hansson. "Deste xeito non será necesario perderes o tempo decidindo entre distintos modelos. Poderás centrarte unicamente no parasol, nos mobles e en todo o que queiras utilizar para crear un espazo ao aire libre acolledor". Antigamente, no noso catálogo tiñamos bases de cemento e plástico. E eran boas, cumprían co seu cometido. "Porén, o peso das de cemento facía que non fosen a mellor opción. Os nosos clientes mostrábanse reticentes a cargalas ata as súas casas", di Gunilla.
Sacos cheos de area
IGGÖN é moito máis cómoda. Consiste dunha base metálica e bolsas de tea que podes levar á casa nunha caixa pequena. Enche as bolsas de area e engánchaas para evitar que a base se mova. O tecido exterior das bolsas, de cor gris neutra, está feito dunha tea impermeable e maiormente reciclada. "Puxemos as bolsas a proba durante todo un inverno e, a pesar do vento, a choiva e a neve, hai que recoñecer que non quedaron nada mal", di Gunilla.
Robustas e suaves
IGGÖN é estable e segura e desempeña exactamente o mesmo traballo cá unha base de parasol tradicional. Mais neste caso é moito máis fácil de transportar. Os sacos de area inclúen unha asa que che permitirán movelas onde queiras. E IGGÖN tamén é suave. "Os sacos de area son suaves ao tacto. Por se algún día ti ou algún familiar batedes co pé contra eles".