Sinxela e con carácter, a serie BROGRUND ofrece unha gran variedade de accesorios de aspecto moderno para manteres a orde no baño. Deseño de liñas limpas ao que se lle suman detalles como os parafusos ocultos.
Detalles do produto
Sen parafusos á vista, porque as fixacións quedan ocultas.
É de aceiro inoxidable, un material duradeiro e doado de limpar.
H Preutz/N Karlsson
Medicións
- lonxitude: 67 cm
- fondo: 13 cm
Opinións dos clientes
Harmonía no baño, detalle por detalle
O baño é un elemento fundamental do fogar, pero a miúdo é un espazo pequeno, desorganizado e cheo de cousas. Okan Demirci, un dos nosos deseñadores de produtos, sábeo de primeira man. Cando empezamos a traballar nos accesorios VOXNAN e BROGRUND, o noso obxectivo era facilitar a vida no baño. A parte difícil estaba en encontrar necesidades comúns entre persoas diferentes. Aí é onde as moitas amizades de Okan foron de axuda.
Invitamos a varias delas a un coloquio. Todas aquelas persoas tiñan casas e situacións persoais distintas. Algunhas eran suecas que vivían en casas no bosque. Outras viñan de Italia e de Francia. Algunhas vivían soas, outras coas súa parella ou fillos.
Traballo conxunto para un baño universal
Durante todo un día analizaron os soños e frustracións das persoas, incluídos os seus. Un dos participantes era Luca Battistelli, que leva en IKEA desde 1992. "Non son un experto no deseño de produtos", di Luca, "pero quería contribuír coa miña experiencia. Hai cousas moi específicas dunha persoa ou dun país, mais resulta máis doado dar con cousas en común que con cousas moi distintas".
Pequenos detalles para facilitar a vida
Dous deseñadores traballaron xuntos para superar os atrancos identificados durante a reunión. Pendurar cousas para atallar a desorde e a falta de espazo. Os nosos toalleiros con barras xiratorias xa permiten aforrar espazo, mais decidiron poñerlles barras extensibles para maior comodidade e orde. E que pasa cos baños compartidos? VOXNAN e BROGRUND teñen estilos que combinan entre si, para satisfacción de todas as persoas da casa. Os accesorios teñen soportes idénticos, de maneira que non terás que tradear de novo a parede se decides cambiar de estilo. "Non é ningunha revolución", di Okan. "Son simplemente pequenos detalles que permiten converter en harmonía o caos do baño".
Material
Que é o aceiro inoxidable?
O aceiro inoxidable é utilizado tanto en estruturas de edificios e coches, como tamén en vertedoiros e coitelos. É comprensible que teña tantas utilidades. O aceiro inoxidable é un material resistente e duradeiro, cunha excelente resistencia á corrosión, é dicir, ao óxido. Adoita conter baixas cantidades de níquel e en IKEA xeralmente empregamos aceiro inoxidable sen níquel. Como pasa con outros metais, é un material que se pode reciclar unha e outra vez para convertelo en produtos novos, sen que isto afecte as súas propiedades.
Form design process
Un baño máis ordenado
Nas nosas visitas a fogares de todo o mundo, habemos visto que moitos baños están abarrotados de cousas. Adoitan ser espazos pequenos nos que a xente se prepara a fume de carozo polas mañás e reláxase pola noite. Cando empezamos a traballar nos accesorios de baño BROGRUND, o noso equipo fixo algo un pouco diferente: organizaron un taller. Xuntos idearon o tema “caos e orde" e utilizárono para crear produtos que facilitan o uso do baño a todo o mundo.