Principio ou fin de partida, tanto ten. Verás como con esta suave manta de motivo pixelado as partidas pola noite serán outra cousa. Un detalle distinto que ocupará un lugar predominante no sofá ou na cama.
Detalles do produto
A manta inclúe 2 botóns para que a poidas colgar dos ombros sen que che caia. Como a capa dun superheroe.
O divertido padrón pixelado confeccionado en jacquard é visible en ambos os lados, pero en cores invertidas.
Iina Vuorivirta
Medicións
- lonxitude: 170 cm
- Ancho: 130 cm
Opinións dos clientes
Accesorios para BRÄNNBOLL
Preparados para botar unha partida e para todo o que a maiores veña
Na actualidade, botar unha partida aos videoxogos ofrece moitas posibilidades: podes xogar nunha plataforma, só ou en compañía e en case calquera estancia da casa. Con BRÄNNBOLL queriamos crear unha colección de mobles e accesorios que se adaptase ao mundo gaming de hoxe, pero cun toque caseiro.
Philip Dilé, desenvolvedor de produtos, encargouse de estudar as novas necesidades dos gamers. As súas conclusións foron que estes produtos debían satisfacer as necesidades do mundo gamer e mellorar a experiencia, pero tamén debían ser aproveitables de máis maneiras cando non se estivesen a usar para a súa finalidade orixinal. Especialmente cando gamers e non gamers viven xuntos e os espazos non son precisamente amplos. "Por iso é tan importante a posibilidade de cambiar de actividade facilmente. Todo se reduce a dúas cousas: deseño e prestacións", di Philip. "As pezas flexibles e móbiles son unha parte importantísima, como importante é o aspecto tamén".
Non todo ten que ser negro
O noso equipo de deseño púxose mans á obra. Unha das integrantes, Marta Kuprińska, deixouse levar pola súa intuición. E que viu? Cores. "Quería algo atrevido. No caso da poltrona, mesmo quería ser un chisco rebelde. Cando o prototipo gris chegou da fábrica, ás caladas púxenlle unha funda azul claro e deixeina no departamento de deseño. Cando a viron, o resto do equipo sentiuse entusiasmado". "Pero se non che vai moito o azul, que saibas que tamén está dispoñible en gris escuro", di Marta rindo.
Todo o que necesitas
A colección BRÄNBOLL está pensada para satisfacer distintas situacións domésticas. A idea non pasa por acumular cousas e cousas. A idea é encontrar o equilibrio exacto. "Como no caso da poltrona. Pódela usar como usarías unha poltrona calquera, ou para botar unha partida tranquilamente. Ademais, esta inclúe rodas, polo que a podes levar contigo onde queiras", di Marta. Non é necesario ser un gamer para adorar e utilizar estes produtos. O certo é que non sabemos quen os usará, nin como. "E iso é o mellor. Encántame cando a xente utiliza os nosos produtos de maneiras insospeitadas".
Form design process
A túa casa gaming
Principio ou fin de partida, tanto ten. Os divertidos estampados do tapete par rato, a suave alfombra gaming e a cálida manta da colección BRÄNNBOLL son perfectos para aquelas persoas que nunca cansan dos píxeles e adoran os xogos de computador. Non só son ideais para xogar, tamén son fermosos detalles de interior que se apoderan do teu fogar e crean o ambiente axeitado.