- Lavable á máquina
Na boca desta balea azul hai espazo para gardar pixamas ou un tesouro. Esta peluche será a súa mellor amiga, gardará os seus segredos, xogará e daralle abrazos cando o necesitar.
Detalles do produto
Sabías que o corazón da balea azul é tan grande como un coche? Imaxina a de amor que colle aí dentro! Demostremos o amor que albergamos nós e coidemos do mundo máxico no que viven.
Produto feito a partir de poliéster reciclado, suave e apto para peles sensibles.
O recheo deste produto contén poliéster reciclado procedente do plástico recollido a 50 km en mar aberto, o que permite reducir a contaminación das augas.
A todos os peluches gústalles abrazar, consolar, xogar e escoitar. Ademais, son de total confianza, pois pasaron probas de seguridade.
Queremos que os nosos peluches repartan amor durante moitos anos, e por iso facémolos con materiais agradables e ollos bordados, sometémolos a rigorosos test de lavado e asegurámonos de que non conteñen produtos químicos nocivos.
Podes lavar a peluche na lavadora a 40 °C, para así lucir sempre como nova.
S Edholm/L Ullenius
Medicións
- lonxitude: 100 cm
Opinións dos clientes
Mergúllate nun mundo de marabillas
Delfíns surfeiros, curiosas tartarugas e divertidos polbos. As profundidades do mar son como un mundo encantado que dispara a imaxinación. Foi precisamente o mar o que nos serviu de inspiración para crear a colección BLÅVINGAD. Mentres traballabamos no proxecto decatámonos de que eran moitas as nenas e os nenos os que se interesaban polos mares e os seus habitantes.
"As nenas e os nenos están concienciados e ben informados sobre o problema da contaminación dos mares e como isto afecta os animais que neles viven. Queren facer algo ao respecto e queren que nós, os adultos, tamén o fagamos", di a psicóloga infantil Dr. Barbie Clarke. Ela participa con frecuencia en "Kid's Advisory Panel", onde preguntamos a opinión dos máis pequenos sobre distintos temas.
Misterios debaixo da superficie
Pero que ten o mar para atraer e fascinar a tantas nenas e nenos de todo o mundo? Mesmo a nenas que viven a centos de quilómetros da costa... "O mar e os seus habitantes sempre foron parte dos mitos e historias que nos contaron", di Barbie. "É un mundo debaixo da superficie, algo misterioso e que desperta a imaxinación".
Descubrir o mundo
As historias, os xogos e as películas sobre a vida nas profundidades do mar danlles acceso a un mundo completamente distinto ó seu. "As nenas e nenos entre 3 e 6 anos son os que máis imaxinación teñen e cando medran o que queren é aprender e comprender todo o que rodea o mar", di Barbie. Barbie engade que cando os nenos son absorbidos por algo, isto pasa a ser máis ca un xogo, esquecen as súas preocupacións e comezan a explorar o mundo e ampliar os seus horizontes, a modo de balea azul xigante que sae a explorar o mar.
Calidade
Son bonitos e seguros? Sen ningunha dúbida
Tranquilizarache saber que todos os nosos produtos para nenos cumpren os estándares de calidade e seguridade máis estritos. Sometemos os nosos xoguetes a duras probas de resistencia e aplicámoslles forzas superiores ás que pode exercer calquera neno de 2 anos. Para que non teñas de que preocuparche e os teus fillos xoguen sen parar.
Funcionalidade
Peluches para abrazar unha e outra vez
Os nosos peluches garanten mil anos de amor. Por iso escollemos materiais cómodos e ollos bordados e, ademais, sometémolos a rigorosas probas de lavado e probas que certifican a ausencia de produtos químicos perniciosos. Aptos para lavadora.
A idea tras o produto
A idea tras o produto
"A humanidade depende de os mares estaren limpos e cheos de vida. Por iso é tan importante o que fixésemos coa colección BLÅVINGAD. Antes elixir os animais nos que focalizar a nosa atención, tivemos que estudar como son realmente. Usamos bosquexos para decidir o que podería funcionar, como motivos, peluches ou estampados. Agardamos que os produtos transmitan a sensación de estar dentro do mar e aviven a curiosidade por coñecer o que hai debaixo da superficie".