Esta mochila lixeira é perfecta para levar a unha excursión á praia ou ao bosque. Está feita de poliéster reciclado e ten varios petos para gardar obxectos grandes e pequenos tanto no interior como no exterior.
Detalles do produto
Queres mergullarte nun mundo de marabillas? Introduce as coordenadas e descubre todas as cousas emocionantes que acontecen baixo a superficie acuática.
Mantén limpa a natureza. No gran peto de malla exterior, podes poñer o teu propio lixo, ademais dos residuos que atopes, e levalo todo á casa.
O interior da mochila ten un peto de malla cunha cremalleira no que podes gardar pequenos obxectos, como as chaves e o teléfono móbil.
A mochila queda no seu sitio, xa que as tiras para os ombros son doadas de axustar.
O tecido da mochila é resistente á auga.
É fácil de transportar e ocupa pouco espazo ao baleirarse, xa que se pode pregar.
O tecido está feito en poliéster reciclado. Aproveitar o lixo como se for un recurso achéganos a un futuro máis sostible.
Combina moi ben con outros produtos da colección BLÅVINGAD.
Stina Lanneskog
Medicións
- volume: 13 l
Opinións dos clientes
Mergúllate nun mundo de marabillas
Delfíns surfeiros, curiosas tartarugas e divertidos polbos. As profundidades do mar son como un mundo encantado que dispara a imaxinación. Foi precisamente o mar o que nos serviu de inspiración para crear a colección BLÅVINGAD. Mentres traballabamos no proxecto decatámonos de que eran moitas as nenas e os nenos os que se interesaban polos mares e os seus habitantes.
"As nenas e os nenos están concienciados e ben informados sobre o problema da contaminación dos mares e como isto afecta os animais que neles viven. Queren facer algo ao respecto e queren que nós, os adultos, tamén o fagamos", di a psicóloga infantil Dr. Barbie Clarke. Ela participa con frecuencia en "Kid's Advisory Panel", onde preguntamos a opinión dos máis pequenos sobre distintos temas.
Misterios debaixo da superficie
Pero que ten o mar para atraer e fascinar a tantas nenas e nenos de todo o mundo? Mesmo a nenas que viven a centos de quilómetros da costa... "O mar e os seus habitantes sempre foron parte dos mitos e historias que nos contaron", di Barbie. "É un mundo debaixo da superficie, algo misterioso e que desperta a imaxinación".
Descubrir o mundo
As historias, os xogos e as películas sobre a vida nas profundidades do mar danlles acceso a un mundo completamente distinto ó seu. "As nenas e nenos entre 3 e 6 anos son os que máis imaxinación teñen e cando medran o que queren é aprender e comprender todo o que rodea o mar", di Barbie. Barbie engade que cando os nenos son absorbidos por algo, isto pasa a ser máis ca un xogo, esquecen as súas preocupacións e comezan a explorar o mundo e ampliar os seus horizontes, a modo de balea azul xigante que sae a explorar o mar.
A idea tras o produto
A idea tras o produto
Cando creei os tecidos para a divertida colección BLÅVINGAD, imaxinei un mundo submarino máximo onde os animais tiñan personalidades propias e vidas como as das persoas. Agardo que os meus deseños prendan en vós a chama da imaxinación e da curiosidade para descubrir máis sobre os mundos submarinos... e o desexo por coidar dos nosos mares e dos animais que neles moran. Persoalmente, adoro as baleas azuis, e a roupa de cama onde viven, con mares transparentes coma o cristal, é a miña favorita. Cal é a túa?