BERGMUND Cadeira+funda longa, negro/negro/branco
Como conseguilo
- Probado para: 110 kg
A tapicería da cadeira está feita cun tecido de fibras rectas de poliéster intercaladas con pequenos orificios que proporcionan comodidade, elasticidade e unha excelente ventilación para que goces dunha temperatura agradable cando te sentes.
Detalles do produto
O fondo en forma de cunca do asento adáptase á túa anatomía e á da maioría da poboación mundial. Ademais, o acolchado do asento foi deseñado para mellorar a comodidade por medio dunha técnica innovadora.
O respaldo incorpora un soporte lumbar e o ángulo entre o asento e o respaldo está adaptado para proporcionar unha comodidade que che permita pasar máis tempo sentado.
Ti decides o estilo da túa cadeira. BERGMUND está dispoñible con patas de cor branca, negra e en efecto carballo, e as fundas á medida está dispoñibles en diferentes modelos, cores e materiais.
Logo das comidas animadas, é bo saber que podes quitar as fundas das cadeiras e lavalas na lavadora.
A funda da cadeira vén nunha peza e podes fixala cos fechos de velcro, grazas aos cales poderás quitala e poñela facilmente tantas veces como quixeres.
As patas da cadeira son de madeira maciza, un material natural moi resistente.
Medicións
- Ancho: 52 cm
- fondo: 59 cm
- Altura: 95 cm
- anchura do asento: 52 cm
- Fondo do asento: 41 cm
- altura do asento: 51 cm
- Probado para: 110 kg
Opinións dos clientes
Accesorios para BERGMUND
Sobremesas máis cómodas
A cadeira BERGMUND foi creada para gozardes das sobremesas con máis sosego, sen dores nin cambras nas pernas nin costas. Para crear este produto estudamos o corpo humano, o que nos levou a desenvolver unha técnica nova para conseguir un asento realmente cómodo.
Sentar é practicamente o contrario de estar en movemento, mais o certo é que aquí entran en xogo desde ósos e músculos, ata tendóns, cartilaxe e articulacións. "Para ficar sentada ou sentado durante máis tempo é importante que o corpo descanse e estea ben apoiado, no punto exacto", explica o deseñador de materiais Anders Bergner.
Coxas, traseiro e cadrís
Con BERGMUND, Anders e o seu equipo estudaron como podían mellorar a forma do asento e encontrar o ángulo óptimo entre asento e respaldo. Este proceso deu como resultado varios descubrimentos interesantes sobre o corpo humano, por exemplo, que os ósos do traseiro, os cadrís e as coxas son realmente moi similares independentemente da persoa. "É verdade, tanto ten que a persoa mida 1,85 ou que sexa moito máis baixa. Por iso, á parte inferior do asento en formato cuncha démoslle unha forma que se adapta a 99% da poboación mundial".
A innovación abre camiño a máis confort
O poliéster no acolchamento do asento e do respaldo está composto de pequenas fibras verticais que ofrecen unha mellor elasticidade en comparación con aqueloutras fibras que están máis enmarañadas. Anders e o seu equipo deseñaron unha técnica innovadora para mellorar a comodidade do asento e, para conseguilo, déronlle forma ao seu acolchamento. "É algo así como facer un gofre. Introducimos as fibras de poliéster nunha ferramenta especial que as aperta e lles dá a forma correcta. Após varios anos de traballo, Anders ten a esperanza de que con BERGMUND as persoas se sintan máis cómodas e celebren máis momentos de ledicia xuntos. "Canto máis cómodas e relaxadas estean todas as persoas ao redor da mesa, mellor o pasarán".
A idea tras o produto
A idea tras o produto
"Cando deseñamos as cadeiras BERGMUND, o que buscabamos era crear un asento para moitas persoas e para calquera día do ano. E como a vida cambia, tamén cambian as fundas... segundo a estación do ano, as ocasións especiais ou segundo che apeteza, por iso podes escoller entre distintas cores e talles. O único que non cambia é a suavidade e comodidade, nin as patas biseladas que permiten a funda caer con gracia sobre a estrutura. Esperamos que con estas cadeiras esteades cómodos e relaxados durante máis tempo".