Crea a cociña de exterior dos teus soños! Con BÅTSKÄR é como se cociñases na túa cociña de casa, pero ó aire libre grazas á súa almacenaxe pechada, gonzos de peche suave e un deseño elegante. Convida a familiares e amizades a comer ó aire libre.
Detalles do produto
A cociña exterior BÅTSKÄR combina funcións prácticas e robustas dunha cociña profesional con liñas depuradas e detalles elegantes dunha cociña normal.
Este módulo adicional ofrece máis espazo de almacenaxe e mellora a funcionalidade da cociña de exteriores BÅTSKÄR. É ideal para utensilios de cociña, pratos, herbas frescas ou calquera cousa que queiras ter preto mentres cociñas.
Os estantes están perforados para evitar a acumulación de auga. Ideais para colocar herbas ou deixar os pratos secar.
Estás pensando en montar una cociña completa para exteriores? Pois bota unha ollada á serie BÅTSKÄR.
Lukas Bazle/Mikael Axelsson
Medicións
- fondo: 17 cm
- Altura: 70 cm
- Ancho: 120 cm
Opinións dos clientes
Leva fóra a cociña dos teus soños
Na cociña BÅTSKÄR poderás lavar, picar, fritir, grellar e remexer ó aire libre en compañía das túas convidadas e convidados. Claro, se se pon a chover terás que volver para dentro, pero a cociña non se resentirá. Xa nos preocupamos nós de que poida resistir a auga, o sol e o vento.
"É moita a xente que descubriu o agradable que resulta cociñar ó aire libre, aínda que, por outra parte, na súa opinión é difícil dar cunha solución práctica, resistente e bonita para exteriores. E con BÅTSKÄR quixemos solucionar esa cuestión", di Gunilla Hansson, deseñadora de produtos.
Todo o que necesitas dunha cociña
IKEA leva décadas deseñando cociñas e, agora, coa familia BÅTSKÄR levamos toda a nosa experiencia e coñecementos fóra, ó aire libre. Ofrece exactamente o mesmo ca unha cociña de interiores: é ampla, manexable, hixiénica, ten espazo abondo para todo e inclúe portas de peche retardado. Porén, é máis flexible e está totalmente adaptada ós espazos abertos. "BÅTSKÄR parece feita á medida, mais non te preocupes, non terás que contratar a ninguén para que cha instale. Ademais de que poderás poñerlle e quitarlle partes cando o necesites. Ou levar a cociña contigo se te mudas".
Un lugar para xuntarse
Para Gunilla e o resto do equipo foi importante levar o aspecto estético fóra. BÅTSKÄR ofrece liñas marcadas, un acabado cincento mate e asas e tiradores especialmente deseñados. "Non só queriamos ofrecer unha experiencia práctica e cómoda. A maiores, queriamos crear un lugar acolledor, con espazo para que toda a familia se puidese xuntar e desfrutar de novos sabores". Ademais, o aire libre, estar no xardín, axuda a relaxarnos e sentirnos máis en liberdade. E desa maneira, cociñar torna nunha tarefa máis pracenteira, mesmo os luns pola noite.
Material
Que é o aceiro inoxidable?
O aceiro inoxidable é utilizado tanto en estruturas de edificios e coches, como tamén en vertedoiros e coitelos. É comprensible que teña tantas utilidades. O aceiro inoxidable é un material resistente e duradeiro, cunha excelente resistencia á corrosión, é dicir, ao óxido. Adoita conter baixas cantidades de níquel e en IKEA xeralmente empregamos aceiro inoxidable sen níquel. Como pasa con outros metais, é un material que se pode reciclar unha e outra vez para convertelo en produtos novos, sen que isto afecte as súas propiedades.
A idea tras o produto
A idea tras o produto
"BÅTSKÄR consiste en crear a cociña perfecta para exteriores, case como trasladar a túa cociña ó xardín ou ó patio. Quixemos que todos os seus detalles, materiais e funcións sexan da mellor calidade. A inspiración tomámola das cociñas de interior con superficies de traballo amplas e solucións intelixentes, porque desta maneira, cociñar, socializar e comer fóra será aínda máis fácil".