AFTONSPARV Peluche, nave espacial/multicolor
Como conseguilo
- Lavable á máquina
Como poden chegar ó espazo o oso, o gato e o coello astronautas para visitar o seu amigo o extraterrestre? Cunha nave espacial feita a partir de materiais reciclados. Podes encontralos a todos eles na colección AFTONSPARV.
Detalles do produto
A compañía de viaxe perfecta para as e os nenos que queiran voar ó espazo coa axuda da súa imaxinación. Abonda con abrir a cremalleira, meter un peluche e emprender a viaxe cara ó universo.
Produto feito 100% a partir de poliéster reciclado, suave e apto para peles sensibles.
A túa filla ou fillo tamén pode usar a nave espacial como disco voador cando queira xogar con familiares ou outros amigos.
Os xogos de lanzar e apañar melloran as habilidades motrices e a coordinación dos ollos e as mans.
Creado coa axuda de nenas e nenos en sesións divertidas onde expresan as súas ideas e o que pensan. As súas opinións inflúen nas nosas decisións e fan que os nosos produtos sexan mellores. A fin de contas eles son os expertos!
Coas lámpadas, os xoguetes e os artigos téxtiles da colección AFTONSPARV inspirados no espazo, queremos estimular a curiosidade das e dos máis pequenos.
O agasallo perfecto para as e os nenos ós que lles fascina o espazo.
A todos os peluches gústalles abrazar, consolar, xogar e escoitar. Ademais, son de total confianza, pois pasaron probas de seguridade.
Queremos que os nosos peluches repartan amor durante moitos anos, e por iso facémolos con materiais agradables e ollos bordados, sometémolos a rigorosos test de lavado e asegurámonos de que non conteñen produtos químicos nocivos.
Marta Krupińska
Medicións
Opinións dos clientes
Explora as túas opcións
Proba os mobles e a decoración xuntos nun espazo virtual e atopa os produtos perfectos para crear un espazo divertido e funcional para o teu fillo.
SostibilidadeAs persoas e o planeta
Enerxía e recursos
É posible encariñarse co plástico?
Queremos reducir a cantidade de materiais novos que utilizamos para fabricar os nosos peluches. Unha forma de conseguilo é utilizar poliéster reciclado no recheo e darlle unha segunda oportunidade ó plástico usado. Cos nosos novos peluches AFTONSPARV damos un paso máis alá. Utilizamos exclusivamente poliéster reciclado no tecido, o recheo e en todos os fíos, sen comprometer a seguridade nin a calidade.
O espazo é infinito, como a imaxinación
Grazas á colección AFTONSPARV as nenas e nenos teñen acceso ó parque infantil máis grande xamais concibido. Espazo. Un mundo emocionante, místico e inspirador que desperta a creatividade.
Seguramente ti tamén o fixeches na túa infancia, o de quedar ollando para o ceo infinito, pensando no que habería alí, entre todas aquelas estrelas e planetas. É unha situación que todas e todos nós vivimos nalgún momento, como lles pasou ás nenas e nenos de 3 a 7 anos que participaron nun dos nosos obradoiros, antes de empezarmos a traballar na AFTONSPARV. "O certo é que foi unha sorpresa constatar canto sabían sobre o sistema solar e o espazo", di a deseñadora Marta Krupińska. "Porén, aínda non coñecemos todos os segredos que agocha o espazo, por iso son segredos e, por iso tamén, é un lugar co que todo o mundo fantasea".
Un foguete espacial propulsado pola imaxinación
As ideas e comentarios interesantes das e dos máis pequenos foron o punto de partida de Marta cando deseñou AFTONSPARV. Unha colección a xogo para despertar a súa imaxinación e que inclúe amigos espaciais, tecidos e lámpadas... e mesmo cun foguete de cartón! "Con espazo abondo para todas e todos e, o mellor de todo, só necesitarán da imaxinación para viaxar a lugares afastados e descoñecidos. Disque mesmo hai planetas habitados por extraterrestres. "Falan moito dos extraterrestres e do seu aspecto. A maioría das veces din que son divertidos".
Durmir ollando os planetas
Finalmente o foguete chega de volta á Terra e con el vai sendo hora de ir para a cama. Así e todo, as aventuras poden continuar cun conto e mentres dormen. Porque cando se apaguen as luces, o planeta da cortina AFTONSPARV iluminarase. Que é iso? Talvez unha nave espacial na que viaxan unha morea de amiguiños verdes. Ou unha estrela fugaz para pedir un desexo...
Calidade
Son bonitos e seguros? Sen ningunha dúbida
Tranquilizarache saber que todos os nosos produtos para nenos cumpren os estándares de calidade e seguridade máis estritos. Sometemos os nosos xoguetes a duras probas de resistencia e aplicámoslles forzas superiores ás que pode exercer calquera neno de 2 anos. Para que non teñas de que preocuparche e os teus fillos xoguen sen parar.
Funcionalidade
Peluches para abrazar unha e outra vez
Os nosos peluches garanten mil anos de amor. Por iso escollemos materiais cómodos e ollos bordados e, ademais, sometémolos a rigorosas probas de lavado e probas que certifican a ausencia de produtos químicos perniciosos. Aptos para lavadora.
Form design process
Creado coa axuda de nenos
As nenas e os nenos son as persoas máis importantes do mundo e queremos saber a súa opinión, xa que creamos produtos para eles. Así foi como convidamos nenas e nenas a sesións creativas onde poden participar no deseño de produtos. Poden expresarse libremente e debuxar ou dicirnos o que para elas e eles é máis importante. As súas opinións axudan a crearmos produtos mellores. A fin de contas eles son os expertos!
A idea tras o produto
A idea tras o produto
"Cando é hora de deseñar para as e os máis pequenos, deixo que a miña nena interior tome a iniciativa. Así que subín a un foguete espacial imaxinario co meu equipo de deseño e voamos cara a novas aventuras. Antes da viaxe, coñecemos nenas e nenos moi entusiastas que nos contaron todo o que poderiamos encontrar entre as estrelas e aseguráronnos que os extraterrestres son criaturas amables. Agardo que os descubrimentos que trouxemos para a Terra vaian acompañados da imaxinación sen límite das e dos nenos e de amplos coñecementos sobre o espazo".