Saltar
GL ESgalego

Unha nova versión dos deseños vintage na colección Nytillverkad

A colección Nytillverkad recupera unha coidada selección de artigos favoritos do noso arquivo e ofrece unha versión actualizada para satisfacer as necesidades e expectativas dunha nova xeración. Nytillverkad volve cun novo deseño con cores alegres e materiais innovadores, e representa o noso concepto de deseño baseado na sinxeleza, a funcionalidade e un chisco de ledicia.

Un regreso con curvas

En IKEA, somos populares polas nosas liñas rectas e formas cadradas. Pero as curvas suaves son unha parte igual de importante do noso pasado. E do noso futuro. Brandas e elásticas como as da cadeira de brazos-cama VÅRKUMLA de tea vaqueira, ou suaves e cómodas como as da cadeira de brazos SOTENÄS. Ou tamén atrevidas, como as destes vasos KÄLLARHALS deseñados por Anna Efverlund.

Unha parede branca na que rebotan manchas redondeadas de cor laranxa e amarela. Estas manchas transfórmanse en dous vasos KÄLLARHALS.
Un vaso KÄLLARHALS laranxa e outro amarelo con flores dentro que repousan sobre unha superficie brillante que reflicte os vasos.

Estarás nas nubes

Imaxina viaxar ao país dos soños sobre nubes brancas e esponxosas. Coa roupa de cama ÄNGSVITVINGE, podes facelo. O estampado azul e branco é obra de Sven Fristedt, e lanzouse nunha das primeiras fundas nórdicas do catálogo de IKEA, en 1973. Máis tarde, en 1981, o estampado regresou nunha versión actualizada co nome de SKYAR.

Unha cama dobre branca feita, con fundas nórdicas e fundas de almofada ÄNGSVITVINGE cun estampado azul e branco.
Primeiro plano dunha sección dunha cama con fundas nórdicas e fundas de almofada ÄNGSVITVINGE cun estampado azul e branco.

Que vivan as cadeiras!

Dar voltas, durmir, socializar ou relaxarse. Cada cadeira ten un propósito distinto, pero todas son o suficientemente rechamantes como para servir de decoración práctica. Coa cadeira de brazos-cama VÅRKUMLA, poderás pasar dunha cadeira de brazos a unha cama ou un sofá, e volta a empezar.

Varias cadeiras de brazos-cama VÅRKUMLA azuis colocadas en diferentes posicións. Dúas persoas están a relaxarse nelas.
Cinco cadeiras diferentes da colección Nytillverkad colocadas nun cuarto branco. Entre elas, destaca unha cadeira de brazos-cama VÅRKUMLA azul.
Unha cadeira de brazos xiratoria DYVLINGE laranxa descansa sobre un chan azul diante dun espello. A cadeira de brazos reflíctese no espello.

Será o laranxa o novo verde?

Esta cadeira de brazos, que se coñecía como MILA e que deseñou Gillis Lundgren, regresou hai un ano como a cadeira de brazos xiratoria DYVLINGE en verde e negro, e a acollida foi incrible. Agora, presentamos unha actualización cunha elección de cor nova e rechamante.

Coñece a deseñadora Anna Efverlund

Anna Efverlund é a deseñadora dos vasos KÄLLARHALS, así como do estampado da roupa de cama, as fundas de coxín e a tea precortada de 3 metros KLIPPBRÄCKA. Foi deseñadora de IKEA entre 1980 e 2014, e grazas a ela temos cousas como o coxín en forma de corazón FAMNIG ou a zona de xogos SMÅLAND. E, para quen non saiba o que facer coa tea precortada, ela suxire coser un cómodo caftán.

Un estampado que atrae a atención

O estampado MODIG KORN de Anna Efverlund deseñouse orixinalmente en verde e amarelo para o departamento infantil. Está inspirado nas ilustracións dos cómics e apareceu no catálogo de IKEA en 1997. Agora, ese estampado con formas que lembran aos flocos de millo volve en forma de roupa de cama, tea precortada de 3 metros e fundas de coxín KLIPPBRÄCKA en branco e negro.

Unha cama dobre con cabeceiro negro vista dende arriba. Sobre ela están colocadas as fundas nórdicas e de almofada KLIPPBRÄCKA.
Dúas cadeiras de bazos DYVLINGE en fronte dunha parede decorada con tea precortada KLIPPBRÄCKA en branco e negro.
Sobre o chan hai oito coxíns con fundas KLIPPBRÄCKA en branco e negro. A imaxe amosa dous coxíns dende arriba.
Unha persoa está sentada no chan e sostén un anaco grande de tea precortada KLIPPBRÄCKA, que está a cortar cunhas tesoiras.
Unha cadeira de brazos SKÅLBODA encóntrase diante dunha pantalla laranxa. Na cadeira de brazos hai un coxín con funda KLIPPBRÄCKA.
Unha mesa auxiliar branca BAGGBODA diante da tea precortada ÄNGSFIBBLA. Na mesa hai un vaso negro e un teléfono antigo.
“
Sabemos que fixemos as cousas ben cando introducimos de novo un deseño brillante e, mesmo así, somos quen de melloralo un pouco.
”

Rickard "Rille" JonssonInnovation Engineer, IKEA of Sweden

POÄNG agora é a alma da festa

Acabouse iso de adormecer no medio dunha conversa. A nova cadeira de brazos con respaldo baixo POÄNG está feita para socializar, non para quedar durmido. Para a colección Nytillverkad, o deseñador Noboru Nakamura quitoulle o repousacabezas para darlle á cadeira de brazos un carácter máis social, sen perder o seu popular balanceo e confort. Combínaa como queiras con estruturas e coxíns en vermello, bidueiro/beixe e negro.

Seis cadeiras de brazos con respaldo baixo POÄNG con diferentes cores e coxíns nun cuarto branco. Hai dúas persoas charlando sentadas neles.
Tres cadeiras de brazos con respaldo baixo POÄNG en vermello, bidueiro/beixe e negro en liña recta enriba dun chan branco.

Deseños escandinavos atemporais para unha sala de estar moderna

A pantalla de lámpada colgante DYKARKLOCKA inspírase nun deseño de 1964, mentres que a cadeira de brazos ÖNNESTAD baséase na cadeira de brazos GOGO de 1972, esta vez fabricada cun 50% menos de aceiro.

Unha moza cun gorro de flores amarelas está sentada nunha cadeira de brazos ÖNNESTAD de raias verdes nunha luminosa sala de estar, sostendo un xirasol de tea.
Unha pantalla de lámpada de teito DYKARKLOCKA con sete aneis de chapa de madeira pendurada nun cuarto con paredes en azul intenso e un espello cadrado.

Cóntanos a túa experiencia!