Mete a natureza na casa
Pasar tempo en contacto coa natureza é bo para o corpo e a mente, así que por que non meter un anaquiño de natureza na casa? Coñece a nosa nova gama de fermosos téxtiles en tons verdes e deseños vexetais. Déixate arrolar pola natureza cos nosos novos téxtiles: desde cortinas que evocan a ledicia de pasear polos bosques de Suecia ata alfombras suaves como céspede.
Un exuberante dosel de verdor
Estas cortinas, co seu deseño de follas verdes, desbordan espírito primaveral. O tradicional estilo escandinavo das cortinas ALPKLÖVER evoca a felicidade de pasear polos bosques de Suecia na primavera.
Pon os pés na primavera
O verde escuro da alfombra HILDIGARD, o seu deseño de follas de figueira e o seu grosor fan que sexa fácil imaxinarse a un mesmo camiñando por un tranquilo xardín. O resistente material desta alfombra repele as manchas e é fácil de manter. Pona no salón ou no dormitorio. Axiña te sentirás arrolar pola natureza.
Ponlle un chisquiño de fantasía
O extravagante deseño de bolboreta da funda de coxín ROTFJÄRIL chama inmediatamente a atención. Está parcialmente tecida en zugarella, un material natural moi resistente e cunha textura lixeiramente irregular. A funda é suave, duradeira e ten o mesmo tacto rústico que o liño.