Colección RÅVAROR. Porque as cousas cambian

Podes vivir ao grande, mesmo nun espazo pequeno. Deseñada coa simplicidade, a función e a flexibilidade que definen o estilo escandinavo, a colección RÅVAROR, feita de materiais como madeira, aceiro, tecido vaqueiro e la, é moi doada de transportar, tanto por toda a túa casa, como á seguinte que vaias ter.

Varios mobles RÅVAROR, incluídas mesas, un canapé e unidades de almacenaxe dispostos contra unha parede de zinc de cor verde azulada.

Un estante de almacenaxe multitarefa

Almacena obxectos nel e desprázao onde queiras (quizais para gardalo). O estante de almacenaxe é tamén un banco resistente que fai de asento adicional. Precisas espazo para bailar ou facer ioga? Ten a altura adecuada para desprazalo debaixo da mesa.

Un estante de almacenaxe RÅVAROR de madeira con rodas ao carón de dúas mesas RÅVAROR de madeira, serve como un banco para sentarse.

Come no escritorio, traballa na mesa comedor

Hai espazo para ambos na mesa comedor de madeira. Vas ter compañía? Usa a bandexa para levar comida ou equipo de traballo, e despois desprega as patas para elevar o ordenador portátil e crear un espazo para traballar de pé.

Unha mesa e un estante RÅVAROR con rodas están dispostos para crear unha zona de escritorio nun fogar. Na mesa hai un ordenador portátil.

Toda a túa roupa, organizada

É doado atopar e sacar todo do armario con colgadoiro e guías para perchas. Tamén hai espazo para amontoar caixas de almacenaxe para roupa dobrada e clasificadores para obxectos e accesorios pequenos. A resistente construción de aceiro ofrece estabilidade e forza, e converte este estante con rodas nun carriño de transporte cando te trasladas.

Unidades de almacenaxe RÅVAROR negras con rodas cheas de roupa e caixas RÅVAROR, cunha manta RÅVAROR enriba.

Durme no diván

Descanso e relaxación nun só lugar; é un sofá para socializar e tomar aperitivos e unha cómoda cama para durmir. A resistente funda de tecido vaqueiro, coma os teus pantalóns favoritos deste tecido, axústase ben e mellora co tempo. A bolsa vaqueira conxuntada permite gardar a roupa de cama mentres estás esperto e convértese nun coxín adicional.

Un diván RÅVAROR azul escuro está disposto contra unha parede estilo cemento. Colgouse unha bolsa de almacenaxe RÅVAROR enriba del.

Levántate, prepárate e come

Lávate, maquíllate, colle o cepillo de dentes... A minicociña tamén serve de toucador para comezar e rematar o día. O resto do tempo é o lugar onde preparas comidas e pratos con todo a man en caixas de almacenaxe intelixentes; podes gardar dende utensilios ata xabón, ou podes reciclar. Xusto o que precisas: non desperdiciar espazo.

Unha minicociña RÅVAROR con ganchos e un escorredoiro colgando, chea de vaixela, e unha caixa de almacenaxe RÅVAROR.

Deseñada para caber onde sexa, feita para desprazarse

"Råvaror" significa "produto fresco" en sueco. A colección RÅVAROR combina materiais de calidade como madeira, aceiro, tecido vaqueiro e la en mobiliario multifuncional de alta calidade. Deseñada coa simplicidade, a función e a flexibilidade que definen o estilo escandinavo, a colección RÅVAROR dáche a liberdade de vivir onde queiras, reorganizarte ao teu antollo ou mudarte en calquera momento. Vaias onde vaias, estás sempre na casa.

Ver todos os produtos RÅVAROR

Unha mesa, unha unidade de almacenaxe e unhas cadeiras pregables RÅVAROR sitúanse no medio dun apartamento. Na mesa hai vaixela.

Ver todos os produtos RÅVAROR