Colección DEKORERA, inspirada polos mestres do pasado

Ao achegarse o Nadal e tornarse as noites máis longas, recordamos os retratos e bodegóns escuros e melancólicos que caracterizan a arte dos grandes pintores neerlandeses do século XVII como Rembrandt, Vermeer e Hals, chea de luz dourada arremuiñada, as alegres escenas domésticas e os recantos sombrizos.

Estas imaxes inspiraron o noso equipo de deseñadores para crear DEKORERA, unha colección de accesorios e téxtiles de decoración e para o fogar que combina as cores vibrantes e o estilo das obras destes artistas coa artesanía tradicional escandinava para crear produtos que lle dan un sinxelo e acolledor toque invernal ao teu fogar.

Unha serie de artigos da colección IKEA DEKORERA nunha sala de estar acolledora, cun sofá de cor verde escura con coxíns.

Luminosa e fermosa

Unha candea ou dúas resulta unha maneira encantadora de engadir un pouco da luz que os nosos fogares necesitan cando se achega a noite. O soporte para candeas DEKORERA non é só un impresionante accesorio de deseño, tamén é moi útil.

Dous soportes para candeas DEKORERA negros dispostos nunha mesa negra con peras e libros amontoados xunto deles.

Chega a cor!

Un pouco de brillo marca a diferenza! Engadimos estes téxtiles á colección DEKORERA para complementar os tons máis escuros da gama con mantas e coxíns de cores contrastadas cun característico estampado de rombos. Son perfectos para centrar o interese dentro dunha sala de estar sombría, e tamén para acurruncharse.

Mantas e coxíns DEKORERA con estampado de rombos de cores rechamantes amontoados sobre un banco que está a carón dunhas escaleiras.

Unha obra mestra feita para ti

Adiviñas de que se trata? Estas bandexas fan referencia a un par de pinturas famosas de Vermeer e Da Vinci que probablemente coñezas, e son máis económicas que as orixinais se buscas unha fermosa novidade que colgar da parede. Tamén son mellores para levar o café.

Dúas bandexas DEKORERA con motivos reproducidos de da Vinci e Vermeer están colgadas con corda ao carón dunha parede de cor marrón clara.

Relaxado e rústico

As suaves formas redondas destes cuncos, xerras e floreiros reflicten a artesanía e as técnicas tradicionais de Europa do Norte. Non sería estraño velas na mesa de Nadal dunha familia do rural hai moitos anos, nin na túa hoxe en día.

Cuncos, floreiros e xerras DEKORERA amontoados uns enriba doutros nun aparador de cociña, con flores nunha xerra.

Modernidade sinxela de Nadal

Un aspecto totalmente novo sen grandes gastos novos, non é iso o soño de todos? Ponlle esta funda á cadeira de brazos STRANDMON que xa tes e engádelle un coxín (e unha alfombra para un punto máis de elegancia) para conseguir un estilo moderno perfecto para o inverno por un prezo moito menor.

Unha cadeira de brazos cuberta cunha funda STRANDMON beixe e un coxín vermello e dourado colocados na parte superior dunhas escaleiras.