Saltar
GL ESgalego

Como preparar unha sala de reunións para o éxito (e para que todo flúa máis rápido)

Hai reunións que non se poden substituír por un correo electrónico, así que, de cando en vez hai que celebrar algunha. Á hora de decorar unha sala de reunións, hai que centrarse principalmente en crear un entorno neutro, eficiente e motivador. A sala de reunións debe contribuír á produtividade e á eficacia das persoas.

Unha sala de reunións moderna con dúas mesas de conferencias MITTZON de chapa de bidueiro/cor branca e cadeiras de reunións en beixe a carón dunha gran pantalla de televisión.
Unha sala de reunións moderna con dúas mesas de conferencias MITTZON de chapa de bidueiro/cor branca e cadeiras de reunións en beixe a carón dunha gran pantalla de televisión.

Céntrate na primeira impresión

O ambiente dunha reunión debe establecerse mesmo antes de explicar a orde do día. A sala ten que resultar acolledora, así que escolle unhas cadeiras e mesas acordes.

Unhas cadeiras cómodas e firmes
As cadeiras con formas redondeadas adoitan resultar máis suaves e acolledoras. Unhas cadeiras do mesmo estilo para transmitir un sentimento de unidade e igualdade.

Mesas amplas e elegantes
Se queres conseguir un aspecto moderno e sinxelo, elixe unha mesa robusta de liñas rectas, de estilo minimalista e con patas inclinadas ou de forma cónica. A madeira é un material livián que achega calidez.

Coida ata o máis mínimo detalle
Coloca papel, un bolígrafo e unha caneca para cada un dos asistentes. Unha mesa con rodas para portátil pregable e de altura regulable viralles moi ben aos relatores da reunión.

Velaquí todas as mesas de reunións e conferencias
Cadeiras de reunións LÅNGFJÄLL en beixe/branco baixo os lados máis longos de dúas mesas de conferencias nunha sala de reunións moderna.
Velaquí todas as mesas de reunións e conferencias

Elixe ben o que vas poñer nas paredes

Para conseguir un ambiente tranquilo e apracible, hai que seleccionar cousas prácticas á hora de aproveitar as paredes.

 

  • As cores predominantes determinarán o ton da estancia; por exemplo, a cor turquesa clara, a gris, a branca e a madeira transmiten calma e tranquilidade.
  • Un cadro grande e unha pantalla de televisión ou de proxección converteranse en puntos de atención e reducirán a desorde visual.
  • Os encerados e os taboleiros de anuncios non poden faltar nunha sala de reunións. Son moi útiles á hora de presentar ideas e para colgar notas adhesivas. Ademais, como teñen rodas, poderán moverse dun lado para outro facilmente cando sexa preciso.

Velaquí todos os taboleiros de notas
Á beira dunha mesa de reunións hai un encerado nunha estrutura con rodas MITTZON e unha pantalla acústica con notas adhesivas.
Velaquí todos os taboleiros de notas

Simplifica as cousas coa tecnoloxía

As dificultades técnicas son inevitables, pero podes facer todo o posible para reducilas ao máximo na sala de reunións.

 

  • Instala solucións de iluminación intelixente para que os asistentes á reunión poidan atenuar facilmente a luz ou mesmo acendela ou apagala cun mando a distancia sen erguerse da cadeira. Os estores intelixentes tamén poden vir moi ben.
  • Para reducir a cantidade de cables que hai polo medio, podes elixir mesas de conferencias con módulos para cables, de xeito que os asistentes poidan cargar comodamente os seus dispositivos.
  • Coloca un cartel cos datos da wifi e a información de contacto do equipo técnico á vista de todo o mundo. Etiqueta os cables e proporciona instrucións básicas para o uso dos aparellos da sala. 

Unha sala de reunións cunha mesa de conferencias MITTZON de chapa de bidueiro/cor branca; hai un portátil e un teléfono conectados ao módulo para cables.

Un armario con chave para meter o que queiras

Á hora de desenvolver ideas, todo material é pouco, así que ten á man todo o necesario. Garda caixas con rotuladores, bolígrafos, lapis, cinta, tesoiras, papel de todos os tamaños e outros materiais en módulos de almacenaxe ou armarios. A almacenaxe pechada axuda a ter perfectamente organizada a sala e permite gardar todo tipo de material e cables. Garda o material de máis valor nun armario con chave para evitar sorpresas inesperadas.

Velaquí os módulos de almacenaxe e armarios de oficina
Dous armarios TROTTEN en branco con portas corredizas nunha parede debaixo dunha gran pantalla de televisión. Hai unha porta aberta e dentro pódese ver material de oficina.
Velaquí os módulos de almacenaxe e armarios de oficina

Establece límites ben definidos

As pausas non poden faltar na orde do día de calquera reunión. Ademais, as reunións deben ser amenas e motivadoras. A sala de reunións non pode desentoar co resto da oficina, pero establecer divisións visuais axuda a fomentar diferentes comportamentos.

Unha sala de reunións
Unha sala de reunións debe fomentar a concentración, o respecto e a comunicación. Por iso é tan importante elixir cores suaves, materiais naturais e formas que acheguen calma.

Unha sala de descanso
Esta sala debe ser independente, pero debe atoparse preto e ter todo o necesario para recargar as pilas e fomentar a socialización. Debe transmitir dinamismo e, para iso, pode decorarse con mobles altos, vexetación e azulexos brillantes.

Velaquí todos os mobles de bar
Unha porta interior aberta cara a un espazo que semella unha cafetaría, con moita luz natural; neste espazo hai uns tallos altos JANINGE en branco de estilo moderno e unhas mesas altas en negro.
Velaquí todos os mobles de bar

Antes de mercar

Estas solucións conteñen unha mestura de artigos deseñados para un uso doméstico e non doméstico. Comproba que as túas compras cumpren as normativas e son axeitadas para o uso previsto na túa zona. Contacta con IKEA para Empresas para obter máis información sobre a gama.

Cóntanos a túa experiencia!