Saltar
GL ESgalego

Como deseñar a iluminación dunha cafetaría con terraza

Cando coñezas os conceptos básicos sobre deseño e iluminación, poderás crear a escena perfecta para calquera recanto da túa cafetaría. Poderás, por exemplo, combinar iluminación xeral, focal, directa, decorativa e ambiental para atender todas as túas necesidades e conseguir a escena ideal. Esta guía sinxela axudarate coa planificación da iluminación de interior e exterior dunha cafetaría acolledora, sexa cal for a hora do día ou a época do ano.

Unha cafetaría cunha terraza con árbores, luz ambiental, xogos de mesa e cadeiras SUNDSÖ, todo iluminado pola luz do sol.

Iluminación xeral

A iluminación xeral ilumina de xeito uniforme un espazo amplo. Isto conséguese con lámpadas de teito e varios focos, e o resultado é un nivel de iluminación cómodo e agradable para os teus clientes, e para o persoal á hora de limpar o establecemento.

Un vídeo con varias situacións de iluminación e lámpadas ao longo do día nunha cafetaría iluminada con luz natural procedente dunha fiestra.

Iluminación focal

A iluminación focal ilumina e dirixe a atención cara a áreas ou obxectos concretos, como un menú pendurado nunha parede, o teu logotipo, un cadro ou produtos que teñas á venda. Estes focos de teito NYMÅNE aprobados para uso comercial emiten unha luz directa e intensa que crea un bonito contraste de luces e sombras, e achega vitalidade a calquera estancia nun intre.

Velaquí a serie NYMÅNE
Uns focos de teito NYMÅNE brancos con catro focos individuais iluminan uns estantes abertos PLATSA montados na parede con varios obxectos de decoración.
Velaquí a serie NYMÅNE

Iluminación decorativa

A iluminación decorativa consiste en solucións de iluminación con certo encanto que dan luz ao teu espazo ao tempo que achegan personalidade. Se queres darlle un toque especial á túa cafetaría, podes recorrer a solucións tan sinxelas como unhas candeas LED, unhas tiras de iluminación LED que funcionen con pilas montadas nuns estantes, lámpadas de araña, elegantes lámpadas de teito e grilandas luminosas.

Unha cafetaría cunhas lámpadas de teito LED VARMBLIXT de vidro esmerilado de cor branca e uns estantes abertos onde poden verse varios obxectos de decoración.
Uns estantes abertos PLATSA brancos montados na parede con varios obxectos de decoración de cores. Enriba dunhas mesas de cor branca hai unhas candeas LED.

Iluminación directa

A iluminación directa é unha luz focalizada e intensa cuxo obxectivo é axudar ás persoas a ver mellor o que están a facer. Nunha cafetaría, as lámpadas de pé ou de parede axudarán aos clientes a ler, traballar ou falar con outras persoas. Ilumina adecuadamente a zona de traballo persoal con lámpadas de teito enriba da barra, e con fitas LED debaixo dos estantes e armarios.

Un barista verte café nunha cunca baixo unhas lámpadas de teito ZEBRASÄV de plástico branco na barra dunha cafetaría ao lado de varios artigos de vaixela e uns croissants.

Moitas ideas de iluminación para o teu negocio.

Se queres que a túa cafetaría sexa diferente das demais, o truco está en planificar ben a iluminación e o deseño das lámpadas para achegar cor e mais estilo ao espazo. Se queres empezar hoxe mesmo coa planificación, bótalle unha ollada á nosa ampla variedade de produtos de iluminación e elixe os teus favoritos.

Iluminación ambiental

Ademais de iluminar o espazo, a luz ambiental axuda a crear a escena perfecta para ofrecer unha escena inesquecible. Se queres que os teus clientes poidan ler con facilidade o menú mentres gozan dun momento íntimo e agradable, aposta por lámpadas solares de varios tamaños e a diferentes alturas. Ademais, non precisan mantemento.

Velaquí toda a iluminación de exterior
Terraza dunha cafetaría ao atardecer. Varios xogos de mesa e cadeiras SUNDSÖ de cor azul escura e laranxa cunhas acolledoras lámpadas de mesa LED SOLVINDEN.
Terraza dunha cafetaría bañada pola cálida luz do atardecer. Dunha árbore penduran tres lámpadas de teito LED solares SOLVINDEN.
Velaquí toda a iluminación de exterior

Xoga coa luz para darlle un toque especial ao teu establecemento

Libera a túa creatividade para converter o teu establecemento en algo máis que un sitio para comer ou tomar un café: convérteo nun lugar onde as persoas poidan sentirse cómodas e do que non queiran marchar. Podes xogar con varias lámpadas de parede para crear un bonito conxunto decorativo.

Un espazo para sentar na terraza dunha cafetaría ao atardecer con varios sofás de exterior SEGERÖN baixo algúns apliques verticais de exterior GRÖNSPRÖT.

Antes de mercar

Estas solucións conteñen unha mestura de artigos deseñados para un uso doméstico e non doméstico. Comproba se as túas compras cumpren as normativas e son axeitadas para o uso previsto na túa zona. Ponte en contacto con IKEA para Empresas para obter máis información sobre a gama.

Cóntanos a túa experiencia!