Catro ideas sinxelas e divertidas para salas de descanso

Ás veces, afastarse do equipo pode aumentar a produtividade dunha persoa. Crea recunchos de concentración flexibles coas pantallas acústicas MITTZON que absorben o son e reducen as distraccións visuais para ofrecer un oasis de silencio no medio do atafego da oficina. As cadeiras de brazos VEDBO, nun relaxante ton azul, suxeitan as túas costas mentres deseñas paneis de inspiración ou fas cálculos. As mesas para portátil de altura regulable con portavasos integrados contribúen a crear un entorno máis ergonómico. Estes recunchos de concentración son un xeito sinxelo de crear unha cultura na que o persoal sinta que pode retirarse e cargar pilas para desatar todo o seu potencial.

É hora de poñer ideas en común! No canto da típica mesa redonda, prepara acolledores compartimentos que estimulen a creatividade e unan ás persoas. Coloca os nosos novos e suaves sofás LILLEHEM con fundas lavables para que duren anos. A alfombra xeométrica STOCKHOLM ten o estampado polas dúas caras para que poidas darlle a volta facilmente e usala máis tempo. Ademais, grazas á súa superficie de tecido liso, é sinxelo apartar os mobles e aspirala, un detalle que o servizo de limpeza seguro que agradecerá. As cortinas drapeadas crean unha sensación de privacidade ao tempo que manteñen o espazo aberto e ventilado. Remata a estancia con mesas auxiliares de chapa de piñeiro para darlle ese toque final escandinavo moderno.

Esta non é a típica sala de descanso nunha oficina. É un espazo que funciona, dura e fai que todas as persoas (tanto o teu equipo como as visitas ocasionais) se sintan a gusto.

É venres: hora de desconectar e descansar. Prepara un espazo para que o equipo poida relaxarse e charlar. Prega as mesas MITTZON (coidado cos cables!) e agrupa unhas cantas pantallas acústicas sobre estruturas con rodas que fagan de separadores. Así, crearás unha sala de descanso en cuestión de minutos. Pode ser un brinde por un novo colaborador, unha gran celebración ou simplemente unha copa despois do traballo: estes momentos unen ao persoal e reforzan o espírito do equipo. E cando haxa que volver ao traballo, basta con poñelo todo no seu sitio.