Empresa de videoxogos FunPlus

Quita os zapatos antes de entrar...

FunPlus é unha empresa de videoxogos de Estocolmo. A súa forma de traballar é antepoñendo a diversión a todo o demais. Estar na súa oficina é como estar en casa, un lugar perfecto para relaxarse. De que xeito o espazo, o deseño e a atmosfera contribúen á diversión?

"Queríamos un entorno que non fose demasiado corporativo. As persoas traballan mellor cando están relaxadas e se senten ben".

Hinrik Asgeirsson (xefe do estudio FunPlus) traballou en varias empresas emerxentes, pero esta é diferente: "Hai que comezar de cero, cun equipo completamente novo. Iso é igual, pero esta vez teño detrás unha organización máis grande", explica.

FunPlus ten dous estudos que traballan en paralelo dentro da mesma oficina, e o sector dos videoxogos está en pleno auxe.

"É moi importante ter diferentes lugares onde falar coa xente, deixar un rato o escritorio, reflexionar…" 

Un equipo internacional e sofás "gaming"

Neste lugar, déixante andar en calcetíns e traer a túa mascota. A cultura da empresa é divertida e está chea de persoas con moitísimo talento. Hinrik quería crear unha atmosfera na que a xente se sentise a gusto. Con ese propósito, contactou con IKEA e o seu servizo de deseño de interiores para crear un espazo acolledor.

"Usamos IKEA en todo. Ademais de achegar novas ideas, o deseñador de interiores encargouse de poñer todo en orde. Sorprendeume o rápido que fixeron o traballo. Nós apenas tivemos que facer nada".

"A nosa nova sala de reunións non ten un aspecto demasiado corporativo. Esa é a clave. Se non semella unha oficina, entras con outra mentalidade, unha máis informal".

No futuro, Hinrik e o seu equipo teñen pensado colocar unhas cantas mesas de uso compartido. Os traballadores xa non terán un escritorio propio, senón que poderán entrar na oficina e escoller unha das mesas que estean libres. "Así perdemos a territorialidade", explica.