Visita a un fogar: o voso propio cultivo
Se tes a sorte de ter un espazo ao aire libre ou unha leira, cultivar os teus propios produtos axudaralles aos nenos a aprender novas habilidades e diminuirá o teu impacto no ambiente. Aquí tes algúns consellos para facer que se involucren os máis pequenos…
Pásao ben ensuciándote
Os nenos aprenden xogando. Ao estaren ao aire libre, son libres para expresarse, ao tempo que adquiren novas habilidades, como o traballo en equipo ou a responsabilidade. Descubrir a natureza pode ser algo tan sinxelo como cavar a terra. "Aos nenos encántalles ensuciarse", di Nici dos seus fillos Sonny (6) e Kit (3). "Ao aire libre, axudando no xardín, esquécense de telo todo limpo. Simplemente quedan enganchados".
Involucra a todo o mundo
Hai traballos nos que ata as mans máis cativas poden axudar á hora de cultivar e colleitar. Tarefas sinxelas, como regar as plantas ou recoller os ovos nunha cesta, axúdanlles aos pícaros a desenvolver o seu sentido de independencia.
Proba e erro
Non todo o que se planta se dá ben, pero cando as plantas prenden, fan que os nenos se sintan orgullosos e fainos aprender sobre a relación causa-efecto. "Ao axudárenme a cultivar verduras e froitas, os nenos descobren que as cousas necesitan tempo e amor, non crecen nun envase de plástico no supermercado", di Nici.
Sácaos ao aire libre
Unha vez que a colleita estea lista, por que non pedirlles os nenos que escollan o que van cear? Activará o seu sentido do olfacto e o gusto, ademais de contribuír á súa aprendizaxe sobre nutrición. "Ás veces, pídolles aos meus fillos que saian a recoller os ingredientes das nosas ensaladas de verán. É bo para eles ver como funciona", di Nici.
Somos moi sinceros cos nenos sobre a orixe da comida. Ensinámoslles como se cultivan as plantas e, a cambio, eles dannos consellos que lles aprenden na escola. É tan bonito!”
Nici
Encántanos que os clientes utilicen os nosos produtos dunha forma creativa. Atrévete ti tamén! Porén, debes ter en conta que as modificacións e cambios que introduzas nos produtos de IKEA impiden que se poidan volver vender ou empregar para o seu uso orixinal, polo que invalidan as garantías comerciais de IKEA e o dereito a devolución.
