Visita a un fogar: ideas para un dormitorio infantil compartido

No seu dormitorio no faiado, Sydney (9) e Neo (6) teñen as súas propias áreas personalizadas, cunha división entre as súas camas, colorida roupa de cama e cortinas que poden pechar para maior privacidade.

Para que cada parte do dormitorio teña o seu propio carácter, os nenos seleccionaron unha mestura de coxíns e o seu propio deseño para un motivo creado con fita adhesiva na parede. Se colocan os coxíns contra a parede, poden empregar as súas camas como minisofás durante o día.

Distintas alfombras no chan axudan a diferenciar o espazo de cada neno empregando estampados e cor. Engade pequenos tallos para proporcionar unha cómoda superficie xunto á cama para as lámpadas de noite.

Cada tallo ten a inicial do seu dono, proba a usar fita adhesiva para personalizar un moble sinxelo e convertelo en único. É doado de quitar e cambiar sempre que Neo e Sydney desexen probar un novo deseño.

Usa ganchos e estantes para amosar os xoguetes e debuxos preferidos dos teus fillos no seu cuarto, e manter a desorde lonxe do escritorio. Neo e Sydney comparten o seu escritorio, pero cada un ten unha cadeira de escritorio da cor que elixiu.

Facilita que os teus fillos sexan creativos con caixóns individuais para os seus materiais artísticos e un sistema de adhesivos de cores para cada neno. Neo e Sydney escribiron os seus nomes nos adhesivos, de forma que as súas cousas non se mesturan.

«Nada gusta máis aos nenos que relaxarse nas súas camas e pechar as cortinas de forma que sintan que teñen o seu propio espazo», comenta Sylke. «Porén, eu prefiro encontralos xogando no chan do dormitorio».