Visita a un fogar: goza das manualidades en compañía de amigos

As noites de manualidades son unha forma divertida e barata de pasar o tempo con amigos, e todos volven a casa con algo que fixeron á man. «Sempre me gustou coser, construír e facer cousas», di Amanda. «Alternámonos para organizar as noites de manualidades. é moito máis doado que organizar unha cea ou unha festa! O único que fai falta é unha louza a xogo e algúns doces».

Para facer as súas coroas do Nadal, Amanda e os seus amigos envolven follas verdes arredor de aros de bordar, usando un cordel para fixar as pezas no seu sitio. As froitas cítricas secas achegan ás coroas un aroma doce e do Nadal. As máis pequenas poden usarse para decorar cadeiras, mentres que as máis grandes poden colocarse no centro dunha parede, unha mesa ou na porta.