Visita a un fogar: crea un dormitorio infantil perfecto

Elixe unha almacenaxe que lles permita aos nenos ensinar as súas cousas favoritas. Os andeis abertos e os estantes para cadros son perfectos para os amantes de historias e unha forma sinxela de cambiar o look do seu cuarto elixindo o que desexan ensinar. Crea un acolledor espazo para a lectura para os pequenos ratos de biblioteca engadindo un coxín grande ou un colchón e coxíns xunto aos andeis.

Usa a cor para que o que te rodea sexa vibrante. Os téxtiles e as imaxes son unha forma doada de inxectar enerxía positiva nun cuarto branco, ademais de sere doados de actualizar consonte os nenos medren e cambien os seus gustos. Elixe tamén unha cama que creza co teu fillo. Ademais, pensa en engadir toques divertidos e imaxinativos na zona de durmir, por exemplo, pintando un xogo de peletre no chan con fita illante.

Usa un escritorio para axudar a crear o espazo e fomentar a colaboración. Ao colocar o escritorio de Hania lonxe da parede, no canto de pegado a ela, sepárase o espazo de lectura do de durmir. Isto tamén permite colocar unha cadeira en calquera lado para que unha amiga ou pai se poida unir na mesa.

«Paso moito tempo no meu cuarto», comenta Hania. «Encántame ler e acariciar os meus gatos Kiki e Nina. As miñas cores favoritas? É unha pregunta doada. Violeta e verde menta».