Visita a un fogar: a miña cociña organizada

Para empezar, decide que obxectos queres ter á man. «Adoito quedar cos meus amigos na casa para tomar o té ou un refresco. Por iso gardo todas as cuncas e os vasos en estantes abertos», explica Jules. «Moitas tardes acendo candeas ao chegar á casa porque me axudan a relaxarme, así que sempre as teño á man tamén».

Con todo, o sistema de almacenaxe non ten por que limitarse á funcionalidade. «Durante as miñas viaxes fun mercando pratos feitos á man preciosos. Que sentido tería gardalos en armarios? Os meus favoritos gárdoos nun estante para pratos que teño sobre o mesado e os vou cambiando cando traio algún novo».

Aproveita ao máximo o espazo que teñas. «Para gardar a louza elixín caixóns fondos. Iso facilítame chegar ao que está máis ao fondo. Utilizo soportes para pratos para telo todo ben organizado; deste xeito podo gardar máis pratos e vasos, e sacar unha morea completa se o me fai falta».

Na cociña, a boa organización empeza no interior. «No caixón das tixolas téñoo todo organizado por grupos e o organizador para tapas simplifícame moito a vida. Mesmo ter un caixón para cubertos ben organizado pode facer que a vida no fogar sexa un pouquiño máis doada cada día».

Os obxectos máis funcionais tamén merecen unha solución de almacenaxe á medida. Jules dedica un caixón aos produtos e materiais de limpeza, e usa caixas e cestas para dividilo en seccións. Así pode gardar os produtos similares xuntos e, cando lle fixer falta, só ten que sacar a caixa correspondente.

Cando Jules se mudou ao seu apartamento en Londres hai dous anos, redeseñou todo o espazo e planificou a cociña para que ocupase só unha parede e conseguir así un espazo diáfano. Para iso usou unha combinación de armarios, estantes abertos e un mesado de cemento de IKEA. Fai clic abaixo para ver o resto da súa casa.

Mira el resto de la casa de Jules.