Visita a domicilio: un cuarto de convidados nunha casiña da árbore

Pensa no almacenamento para espazos pequenos Una cociña minúscula non ten por que carecer de subministracións. Libera as superficies de traballo colgando unha barra para utensilios (o suficientemente alta para creares unha sensación de espazo, mais que siga estando ao alcance) e engade un carriño con rodas. Require menos espazo que un aparador e pódese mover alí a onde o precisares.

Opta por solucións versátiles A zona de dormitorio da casiña da árbore tamén pode facer as veces de sala. Só hai que cambiar as almofadas por coxíns. Usa focos con pinzas para que a iluminación sexa flexible. Non entorpecen o paso, apenas ocupan espazo e pódense dirixir onde for necesario ou moleste menos, como para ler na cama.

As cadeiras fóra Aínda que o balcón que rodea a casiña da árbore sexa moi estreito, é ideal para contemplar as vistas. Os convidados poden poñer unha cadeira pequena e lixeira na terraza para ter unha zona de estar ao aire libre.

Ás portas da natureza O marido de Margaret, que é profesor de ioga, construíu a súa casiña da árbore hai 25 anos, mais non se animaron a renovala ata que un día descubriron unha morea de catálogos de IKEA antigos na tenda da súa vila. «Agora, a casiña da árbore deixámoslla aos convidados, para que se relaxen e recarguen enerxías», afirma Margaret. «Durmir á altura da copa das árbores é fantástico, e se pos uns cantos farois fóra para iluminar o camiño, créase unha sensación máxica».