Plan de verán na cidade: un pícnic na casa
Cando a calor aperta aí fóra, na cidade, durante os meses de verán, non hai terraza, patio nin balcón que valla: o mellor é estar dentro da casa, fresquiños co aire acondicionado ou o ventilador postos! Entón, se non podemos saír… por que non levamos o exterior dentro?
Imos ver como realizar un divertidísimo plan de verán na cidade: un pícnic dentro da casa. Verás que ideas tan boas para facer en familia ou con amigos!
O aire acondicionado será a nosa brisa mariña, que lle imos facer… Iso si, seguro que gozaremos da compañía da nosa xente máis ca nunca.
Petiscos de verán na sala de estar
O primeiro que debemos facer para o noso pícnic na sala é pensar no menú, non che parece? Recomendámosche que optes por cousas sinxelas de comer, que non manchen moito, e fresquiñas. Velaquí tes algunhas ideas!
- Vasiños de gazpacho ou salmorejo.
- Vasiños con ensalada de quinoa.
- Sándwichs variados.
- Táboa de queixos e embutidos.
- Espetadas de tomates cherry con mozzarella.
- Froita cortada de todo tipo: sandía, melón, mango, pexego…
- Canapés de salmón.
Unha vez decidas o menú, leva a natureza á casa cun bosque de plantas en testos. Canto máis grandes, mellor! E se non tes boa man para as plantas, as árbores artificiais tamén son unha boa opción.
Mellora a sensación de estar ao aire libre con iluminación ambiental e un «tellado» protector a modo de pérgola. Optamos por tiras de luz LED que non se quentan e unhas cortinas transparentes drapeadas para facer contraste.
Petiscos sentados no chan
Esquece o tradicional conxunto de mesa e cadeiras e desprega unha alfombra grande cuns cantos coxíns no chan, para que todos poidan sentar ou mesmo deitarse comodamente. Para comer tampouco te compliques: deixa que os teus convidados se sirvan e coman do prato apoiándoo nos xeonllos ou nunha bandexa individual, que lles resultará máis cómoda. Iso si, que non falte unha boa cantidade de panos de mesa de papel para evitar manchar todos estes téxtiles. Un pouquiño máis adiante verás como as presentamos.
Un centro decorativo con plantas
Para seguir creando a pequena xungla de interior para os petiscos de verán, recomendámosche que elabores un centro de mesa decorativo con plantas. Nós, no canto de sobre a mesa, puxémolo no estante inferior. Así a parte de arriba queda despexada para a comida e as bebidas.
Faino todo o sinxelo ou complicado que che apeteza: podes dende poñer as plantas cada unha no seu testo e repartilas pola parte inferior da mesa, creando un "minibosque", ata metelas todas no mesmo cesto.
Un ramo de… panos de mesa de papel!
O elemento máis orixinal da decoración deste plan de verán na casa é este ramo. Non só está moi ben, senón que tamén resulta superútil para os convidados. Trátase dun ramo feito con panos de mesa de papel brancos "de toda a vida” que enrolamos e colocamos dentro dunhas follas grandes de planta monstera artificial a modo de gardapanos. Para que non se mova e se manteña perfecto, ponlle unha goma na punta. É bonito e práctico!
Autoservizo de bebidas
Outra idea que nos encanta para comer uns petiscos na casa ao máis puro estilo campestre é ofrecer a bebida en modo autoservizo. Como? Cun bote con billa como o da foto que podes encher do que máis che guste para que cada un se sirva como e cando queira. Non esquezas botarlle xeo abondo para que a bebida se manteña fresquiña!
Luz preparada por se se fai de noite…
Por último, non esquezas ter luz preparada por se o pícnic se alonga e queredes seguir sentíndovos como se estivésedes de acampada. Por iso, recomendámosche que contes con lámpadas de mesa portátiles, grilandas de luces LED, candeas e outros pequenos puntos de luz que fagan do teu pícnic de verán na casa un plan espectacular e acolledor tamén ao caer a noite. Pensa que este tipo de luces non desprenden calor e son moito máis acolledoras; así evitarás acender a luz do teito ou de pé.
Ademais, cremos que estas ideas che gustarán:
Encántanos que os clientes utilicen os nosos produtos dunha forma creativa. Atrévete ti tamén! Porén, debes ter en conta que as modificacións e cambios que introduzas nos produtos de IKEA impiden que se poidan volver vender ou empregar para o seu uso orixinal, polo que invalidan as garantías comerciais de IKEA e o dereito a devolución.
