Unha vida libre: a ledicia de vivir con menos
Optar por vivir nun espazo pequeno non significa renunciar a unha vida ao grande. Facendo fronte ao reto de crear un fogar para unha persoa xubilada que acaba de mudarse a un estudio, o deseñador de interiores Hans Blomquist combinou a comodidade e o almacenamento intelixente para lograr unha casa despexada e con espazo para vivir ao grande.
Unha oportunidade para empezar de novo cada día
Para o equipo que planificou este estudio para unha muller solteira imaxinaria que quere volver empezar nunha nova cidade, a única "regra do espazo pequeno" é facer sitio para o que de verdade é importante para ti. No canto de empregar mobles pequenos, unha cama grande con cabeceiro de suave veludo converteuse na peza central: a súa gran comodidade garante que se espertará fresca e lista para gozar do que veña.
A base desta casa é a idea de usar o espazo que tes, aínda que sexa limitado, para adaptalo ás túas necesidades. De súpeto tes máis liberdade, tempo e enerxía para facer as cousas que queres.
Divide o espazo e multiplica o uso
Os módulos de almacenamento son moi útiles, pero neste caso son, por riba, bonitos. O módulo independente fíxase de xeito seguro ao teito e crea unha zona de estar separada. Os téxtiles e a iluminación crean un recuncho acolledor e os pufs serven como asentos adicionais para os invitados. As opcións de almacenamento abertas e pechadas do módulo fan que os obxectos prácticos queden ocultos nos caixóns, mentres que os estantes funcionan tamén como perfectos marcos para expoñer.
Atopa o xeito de reflectires a túa personalidade no teu fogar. Os ganchos conservan as xoias limpas e permítenche velas en todo momento; os armarios con porta de vidro manteñen os tesouros sen po, pero sen perdelos de vista.
Sempre hai espazo para máis
É capricho unha mesa de comedor fixa nun estudio? Para o novo comezo dunha muller nunha nova cidade, ter un lugar dedicado ao ritual de poñer a mesa, facer unha pausa e gozar dunha comida era moi importante, un merecido "capricho"´. Un deseño de follas abatibles permite que a mesa creza cos invitados, e os pufs do apartamento serven como asentos adicionais.
Moito gusto en pouco espazo
O deseño compacto da cociña METOD/VOXTORP está pensado para que a cociña sexa un lugar agradable. A iluminación dirixida do mesado resalta as áreas de preparación de alimentos. Para liberar espazo no mesado e engadir carácter, o almacenamento aberto divídese entre os ingredientes que se utilizan acotío no estante inferior e os que se utilizan con menos frecuencia na parte superior. Engádese un estante á serie de módulos básicos para colocar caldeiros de plástico para reciclar.
Menos é máis
Ademais de facer un uso intelixente de todo o espazo do estudio, o equipo buscou solucións máis aló dos compartimentos habituais. O módulo de parede BESTÅ ten unha profundidade de 20 cm, dabondo para almacenar cristalería, pero o suficientemente estreita para que se poida montar na parede do comedor sen a sensación de que estea enriba de ti mentres comes. Ademais, permíteche gardar as copas nun lugar onde é probable que se descortice algunha botella.
A distribución de zonas do espazo de planta aberta deste estudio permite "cuartos" dentro dun cuarto, o que permite gozar de diferentes actividades e a vida máis aló dos límites do espazo.
O último informe sobre a vida no fogar de IKEA reflicte a importancia da propiedade para que unha casa se sinta como un fogar. Con todo, a medida que cada vez máis de nós optamos por alugar, a propiedade xa non se trata de comprar. Trátase de converter o espazo en algo que poidamos sentir como noso.
Encántanos que os clientes utilicen os nosos produtos dunha forma creativa. Atrévete ti tamén! Porén, debes ter en conta que as modificacións e cambios que introduzas nos produtos de IKEA impiden que se poidan volver vender ou empregar para o seu uso orixinal, polo que invalidan as garantías comerciais de IKEA e o dereito a devolución.
Autores
Deseño de interiores: Hans Blomquist
Fotografía: Kristian Krebs
