Un cuarto infantil pensado para crecer
Un bebé leva consigo moitas decisións, preocupacións e necesidades. Preparar un cuarto que creza á vez que o bebé pode axudarte a dedicar menos tempo e diñeiro, estresándote con todo o que virá despois. Bota unha ollada a algunhas suxestións como un berce transformable, unha solución de almacenaxe versátil e estilos clásicos.
1. Descansa comodamente
Este berce, deseñado e probado para satisfacer as normativas de seguridade máis esixentes, tamén está preparado para os cambios. Pasa dun colchón elevado para bebés acabados de nacer a un nivel inferior apto para poñerse de pé. Saír e entrar non é un problema, porque o lateral se pode quitar. Máis adiante, pode utilizarse como un sofá individual.
2. Ten á man todo o que necesites
A almacenaxe evita que teñas que poñerte a buscar algo desesperadamente e permíteche aforrar tempo se tes que cambiar un cueiro de madrugada. Caixas e cestas na parede sobre un cambiador que están fóra do alcance do bebé, pero ás que ti podes chegar doadamente. Máis adiante, podes montar a almacenaxe a nivel do chan para que os nenos poidan gardar nel os seus xoguetes.
3. Ponte cómodo
Na zona da cadeira de brazos é posible dar de comer ou cantar unha nana ao bebé, para que poidas deitalo. A mesa auxiliar actual servirá de tallo para os nenos no futuro ao colocalo unha colorida funda para que resulte máis cómodo. Polo momento, a bolsa de almacenaxe serve para gardar mantas. Máis adiante, adáptase doadamente ás cousas típicas dos nenos grandes.
4. Ilumina as túas noites
Unha iluminación suave permíteche ver o que necesitas sen forzar a vista nin espertar o bebé. Colócaa onde resulte máis útil e asegura os cables. (Nós colocámolos xunto ao berce e a cadeira de brazos). Ademais, as lámpadas xunto aos espellos e o armario axudaranlles a vestirse e probar diferentes estilos.
5. Elixe os clásicos
Por fin chegou o teu bebé e seguro que estás a desexar que todo o mundo o saiba. Para que o cuarto non pase de moda, utiliza pintura e téxtiles de cores primarias e secundarias con divertidos estampados como barras e lunares. Engade despois coxíns cosidos á man e outras pezas que reflictan a personalidade do neno/a.
Encántanos que os clientes utilicen os nosos produtos dunha forma creativa. Atrévete ti tamén! Pero debes ter en conta que as modificacións e cambios que introduzas nos produtos IKEA impiden que se poidan volver vender ou utilizar para o seu uso orixinal, polo que invalidan as garantías comerciais de IKEA e o dereito a devolución.
Creado por
Decoración: Rita Mestre
Fotografía: Johan Månsson
Texto: Marissa Frayer
