Saltar
GL ESgalego

Ideas sinxelas para reducir os residuos no fogar​

Os residuos domésticos son un problema a nivel global: cada día, desperdícianse mil millóns de racións de comida aproximadamente*. Unha de cada catro bolsas da compra desaprovéitase en todo o mundo. Por moito coidado que teñas, sempre xerarás residuos no teu fogar. Clasificar os materiais reciclables e organizar o frigorífico son dúas formas de reducir os residuos e de ter a casa algo máis ordenada para aforrar diñeiro.

Primeiro plano dunha albóndega de proteína vexetal HUVUDROLL con fondo esfumado no que se ve un prato.

* Segundo o Informe sobre o índice de desperdicio de alimentos de 2024 do PNUMA, cada persoa desperdicia unha media de 79 kg de alimentos ao ano, o que equivale a mil millóns de racións en total.

Mira, clasifica, resolve

Para non desperdiciar comida, poder ver que sobra é fundamental. Os recipientes transparentes axudaranche a ver o que tes para evitar o desperdicio de alimentos no fogar.

Vídeo dun caldeiro no que se ven distintas imaxes co seguinte texto: "Sabías que... o 60% da comida que se desperdicia ten a súa orixe nos fogares?". "Mira, clasifica, resolve". "Fai algo. Cámbiao todo".
Un bote con tapa KORKEN de vidro transparente

Consellos para desperdiciar menos comida​

Planifica a compra e cociña o planificado ​

Planificar as túas comidas ou petiscos da semana non só che permitirá aforrar tempo, tamén desperdiciarás menos comida. ​Recorda: antes de facer a compra, revisa o que tes ou planifica as túas comidas en función do que haxa na despensa, o frigorífico ou o conxelador.​

Garda algo para máis tarde​​

Coas sobras, poden facerse boas comidas. Consérvaas de xeito intelixente. Cunha friameira hermética, terás listo un económico e saboroso xantar para o día seguinte.​​

Ponlle unha pinza e ao conxelador​

As pinzas veñen moi ben para gardar comida e non rematar tirándoa. Moitos alimentos veñen en envases demasiado grandes. Se non vas usar todo o contido dunha vez, gárdao nunha bolsa hermética para despois metelo no frigorífico ou no conxelador.​

Estira a comida​​

Tes demasiada froita e verdura? Por que non a conservas? Proba a facer marmelada, conservas en vinagre e confeituras, e gárdao todo en tarros de vidro ou conxélao para preparar batidos. As peles das verduras son ideais para facer caldos, sopas e guisos.​

 

Máis información

Que facemos? Reducir o desperdicio de comida nas nosas tendas

Reducir o desperdicio de alimentos é prioritario en IKEA. Desde 2016, reducimos un 60,5% o desperdicio de alimentos preparados (gramos por cuberto) nas tendas IKEA, o cal permitiu aforrar aproximadamente 37,8 millóns de racións de comida.

Máis información

Consellos para clasificar os residuos​

Na imaxe, vese un espazo de almacenaxe ordenado cun estante de madeira á esquerda. No estante, hai varios obxectos, como soportes para testos de terracota, unha regadeira verde e unhas latas de pintura. Diante do estante, hai dous caldeiros de tea de cor gris cuns debuxos dunha pila e unha caixa de cartón, o que parece indicar que son para reciclar determinados tipos de residuos.

Clasifica os residuos​​

Utiliza un contedor para cada tipo de residuo, así será máis doado clasificar o lixo. Podes usar un contedor normal ou unha solución composta por varios contedores. Enviarás menos lixo ao vertedoiro e terás o teu fogar máis ordenado.​

Fronte de caixón HAVSTORP gris claro

Recicla no baño​

Para a maioría, o baño adoita ser un lugar difícil de ter baixo control. Clasifica os botes de xel, os rolos de papel hixiénico e os tubos de pasta de dentes así que se rematen. Canto máis recicles, máis ordenado terás o baño.​

Cunco BLANDA de vidro transparente na cociña

Recicla en todos os cuartos​

Consideraches a opción de colocar unha solución de reciclaxe en todos os cuartos? Canto máis preto estea o caldeiro do lixo, máis probable será que se use. Convida a toda á familia a que faga o mesmo.​

Pano de mesa de papel VERKLIGHET branco e azul na cociña

Non o tires todo​

Hai residuos aos que poderías darlle unha segunda oportunidade. Podes sementar en cartóns de ovos ou usar periódicos como papel de agasallo, por exemplo. Deixa voar a túa imaxinación e adopta un enfoque circular. Pensa para que máis se podería usar cada cousa.​

Torso dunha persoa con xersei gris, cunha cafeteira de émbolo cun café acabado de facer. O café estase a verter nunha cunca, a cal non aparece na imaxe. De fondo, pode verse a cociña, que ten liñas modernas e sinxelas, cun mesado e armarios de cor branca.

Goza da túa bebida favorita coa túa cunca preferida en calquera lugar​

Unha cunca de viaxe pode usarse como botella de infusións con froitas ou para transportar infusións, café frío ou o teu té favorito a calquera parte. Lávaa cando remates e déixaa lista para a próxima vez que a uses.

Catro recipientes para alimentos transparentes e rectangulares con tapas azuis amoreados. De arriba a abaixo, os recipientes conteñen verduras de folla verde, unhas cereixas, uvas brancas e albaricoques amarelos. Os recipientes atópanse nun mesado e o fondo está esfumado, aínda que semella unha cociña.

Garda, lava e reutiliza​

Queres preparar comida para varios días ou gardar a sobras no frigorífico? Pois deixa de usar film de plástico dun só uso e empeza a gardar a comida en recipientes con tapa lavable e reutilizables.​

Reenche e reutiliza​

Deixa de mercar botellas de auga novas cada vez que teñas sede. Proba a usar unha botella de auga reutilizable e reénchea tantas veces como queiras. É unha solución fantástica para reducir os residuos dun só uso e aproveitar ao máximo o que tes.​

Un día a día máis sostible

Levar un estilo de vida máis saudable é posible para todas as persoas. Descubre como.

Unha lámpada LED SOLHETTA E27 de 470 lumens, en branco ópalo e con forma de esfera

Tenda de vida sostible

Descubre o noso catálogo de produtos pensado para vivir de forma máis sostible.

Zona de reciclaxe

Sabías que nas nosas tendas temos habilitada unha zona para reciclar todo o que xa non precisas e asegurarte de que ten un bo destino? Visita a túa tenda IKEA e infórmate sobre todos os produtos que podemos recoller e xestionar de forma axeitada.

Localiza a túa tenda

Cóntanos a túa experiencia!