Obsesionada co rosa
Yasmin Charlotte, tamén coñecida como Miss Pink, é unha profesora de arte sueca cuxa paixón pola cor rosa non coñece límites. A súa obsesión comezou de pequena, cando a súa nai lle regalou uns pantalóns rosas cun xersei a xogo, e foi aumentando cos anos.
Despois daquel fatídico día, Yasmin non deixou de coleccionar roupa e accesorios desta cor, transformando o seu dormitorio nun auténtico oasis rosa que, co tempo, absorbeu o resto do seu fogar. Agora, vive nunha casa completamente rosa que decorou coidando ata o máis mínimo detalle.
Máis espazo, máis cor
Para organizar a súa colección de zapatos, pezas de roupa e accesorios de cor rosa, Yasmin utiliza o sistema de estantes modulares IVAR. Ademais de contar con andeis adaptables ás súas necesidades, esta versátil solución de almacenaxe pode personalizarse facilmente con pintura ou decoracións na súa cor favorita.
Tampouco poden faltar unhas cantas caixas TJENA. Son perfectas para gardar a roupa e os accesorios, ao tempo que aproveitan o espazo. As caixas KNAGGLIG encastelables, por outro lado, ofrecen unha solución de almacenaxe resistente que pode pintarse de calquera ton de rosa (ou calquera outra cor).
Para chegar aos andeis máis altos, Yasmin utiliza un tallo con chanzo BEKVÄM, que tamén pode transformar nun calzadeiro. O carácter multifuncional deste moble encaixa á perfección coa súa filosofía de deseño. As barras para a roupa MULIG complementan o seu arsenal de almacenaxe cun deseño moi versátil. Grazas á súa altura regulable, poden almacenar pezas de roupa de todos os tamaños.
Para engadir un toque personalizado de brillo ao seu oasis rosa, Yasmin aposta polas tiras de iluminación LEDBERG. Ao combinar estas innovadoras solucións de almacenaxe e decoración, Yasmin Charlotte creou un espazo completamente único, reflexo da súa devoción polo rosa.
