Prepara a túa casa para as vacacións

1. Simplifica a socialización e prepárate tanto para grandes ceas familiares coma para convidados espontáneos. Colga as cadeiras na parede ao lado do teu comedor (nós usamos ganchos en forma de cadeiras). Desta forma, poderás collelas doadamente cando che fagan falta máis asentos (ademais de facilitar a limpeza do chan).

2. Simplifica a limpeza empezando cedo en vez dunha semana antes da chegada de Papá Noel. Colga bolsas de almacenaxe doadas de manter limpas en ganchos con etiquetas para as cousas das que queiras desfacerte ou para as cousas que queiras gardar. Despois, clasifícao sobre a marcha.

3. Crea un espazo de quita e pon para socializar cunha mestura de mobles lixeiros, amontoábeis e doados de mover que poderás sacar rapidamente cando che fagan falta asentos adicionais. Ese espazo que deixas libre cando non está en uso daralle á túa casa unha sensación de amplitude e con menos desorde.

4. Dá unha benvida con estilo aos teus convidados cunha almacenaxe intelixente que aproveita ao máximo o teu espazo na parede. Este estante é o suficientemente pequeno como para usalo en espazos mortos e pódenselle engadir soportes adicionais. Engade un toalleiro, ponlle unha cadea de luces e pum! O teu vestíbulo quedará moi acolledor e ordenado.

5. Os teus convidados inspeccionarán o teu baño, iso seguro! Dálle unha atmosfera fresca e acolledora cunha mestura de candeas perfumadas (nós usamos as de olor a liño: imaxina unhas sabas secando nun día de verán). Pon montóns de toallas de man ben dobradas nun estante listas para os teus convidados.

6. Crea un autoservizo brillante con panos de mesa e cubertos nunha bandexa. Pono na mesa do comedor como centro de mesa e deixa que os teus convidados se sirvan eles mesmos á hora da cea. Bo proveito!

7. Reúne todos os teus xogos e crebacabezas nun soporte práctico e lixeiro, que sexa doado de sacar cando toque noite de xogos. Aquí usamos un soporte de revistas de aceiro. Garda as tarxetas e os dados para que sexan doados de encontrar e ordénaos en diferentes caixas con tapas. Alguén quere xogar ao xadrez?