Pícnic fóra da casa
Cando chega o bo tempo e temos máis horas de luz para aproveitar o día, a ocasión préstase para buscar calquera escusa ao aire libre e gozar tanto en familia como con amigos.
Cando as cousas se poñen difíciles, o primeiro no que se recorta é no tempo de lecer; pero iso non significa que non se poida gozar dunha gran variedade de plans. Dende IKEA propoñémoste un dos máis accesibles e que sempre triunfa: montar un día de pícnic por moi pouco.
- Páxina de información do produto
- Páxina de información do produto
Praia, piscina, xardín ou montaña? O primeiro é elixir un lugar
Gozar da natureza xunto coa deliciosa comida é a combinación ideal para que o plan saia á perfección. Recomendámosche elixir un lugar tranquilo e amplo, que teña tamén espazos de sombra. Saír do barullo da cidade ou da zona onde vives habitualmente é unha opción excelente. Por exemplo, podes buscar un parque local ás aforas, algunha praia, espazos naturais destinados a esta actividade ou algún xardín. Seguro que mentres lías isto, recordaches un lugar para levalo a cabo.
Goza dunha comida deliciosa ao aire libre
Sen dúbida, a comida é a protagonista deste día. Se decides facelo fóra da casa, opta por receitas que se poidan transportar facilmente. Algo indispensable para gardar todas as cousas que precises é unha bolsa como NÄBBFISK, que está dispoñible en dous estilos e é espazosa e cómoda de levar. Seguramente, haberá alimentos que teñan que conservar o frío, e quererás que as túas bebidas favoritas estean ben frías, polo que precisarás unha bolsa que manteña a refrixeración.
Unha vez que teñas a comida lista, hai que pensar en como transportala. Recomendámosche que leves os aperitivos ou entrantes en friameiras con tampa; deste xeito, xa terás como servilos no pícnic. O ideal é transportar os pratos principais en botes herméticos con tampa para evitar que a comida saia por fóra.
Se o café forma parte do teu día a día e che gusta tomalo quente, o termo será o teu mellor aliado para tomar unha cunca de café en calquera momento do día de pícnic.
Crea un ambiente especial e acolledor
Agora é o momento de preparar o espazo ao teu gusto para que a experiencia sexa agradable. Xunto coa comida, a manta de pícnic é outra das protagonistas deste plan. Unha boa opción é STRANDÖN, xa que permite sentarvos arredor dela e gozar dun delicioso almorzo sen renunciar á comodidade.
Aquí tamén toca poñer a mesa á hora de xantar. Recomendámosche levar pratos e cubertos que sexan lixeiros, fáciles de amorear, reutilizables e que poidan usar os cativos.
Durante o día de pícnic, é importante hidratarse ben e beber líquidos. Se queres levar algunha bebida que preparases na casa con froita fresca ou herbas, temos algo que será o protagonista do pícnic: o tarro con billa NÄBBFISK. Un artigo indispensable fácil de transportar grazas á súa asa.
Os plans e os xogos deixámolos á túa elección. Un clásico que nunca falla é un altofalante como VAPPEBY, para poñer ritmo ao día de pícnic.
Sabemos que agora tes máis ganas de montar un pícnic. Xa tes todo o necesario para organizar o plan, así que che recomendamos que fagas unha listaxe con todo e que vaias riscando para non esquecer nada. Só queda elixir o día e gozar da experiencia.
