Os mellores agasallos de Nadal para nenos: Máis libros e menos videoxogos!
Este Nadal cambia os agasallos tecnolóxicos por opcións máis enriquecedoras, divertidas e educativas para os teus fillos: Libros para ler en familia!
Os libros permítennos viaxar a outros lugares, imaxinar, crear e aprender. E acaso hai algo mellor para un neno? Moitas veces empeñámonos en seguir os seus desexos máis tecnolóxicos e recorremos aos videoxogos, tabletas ou móbiles. Pero o Nadal pode ser unha boa época para desconectar da tecnoloxía e pasar máis tempo en familia, por exemplo, lendo un bo libro cos peques da casa. O mellor agasallo que podemos facerlles os nosos fillos é a cultura, é a imaxinación, é divertirse vivindo aventuras entre as páxinas. Aquí tes varios libros para nenos de entre 1 e 7 anos que poden acabar baixo a túa árbore de Nadal. Polo menos, gustaríanos!
Orangutana tiene miedo
"Orangutana tiene miedo" é un dos mellores libros para que os nenos se inicien na lectura, tanto soíños como acompañados. Ler é unha maneira divertida e doada de atopar ese momento familiar tan especial que todos estrañamos a diario.
E aínda que este libro é excelente para ler cos pais, tamén é perfecto para os nenos que comezan a ler de xeito independente. É así precisamente porque acurtouse o texto e cambiouse o tipo de letra para que fose máis doado de ler polos máis pequenos.
Os libros deberían permitir iniciar conversacións e deixar algunhas cousas cun final aberto. Os nenos poden empregar a súa imaxinación para rematar o conto como queiran e aplicalo a eles mesmos”
Sophie Holmqvist, autora de Orangutana tiene miedo
"Tes que ter medo para poder ser valente"
A escritora deste conto terno e cheo de valiosas leccións, inspirouse na súa filla, que nese momento afrontaba unha serie de "medos" que non a deixaban ser feliz. Foi entón cando quixo demostrar que está ben asustarse, que todos temos medo de algo. É máis, que é necesario ter medo para poder ser valente.
Así, a orangután desta historia descubre que ela é en realidade moito máis valente do que pensa. Queres descubrir o resto da historia?
Acompaña o conto co seu protagonista
E quen mellor para ler con vós que a mesmísima protagonista da historia? Esta orangután é a mesma que aparece nos debuxos do conto e ten un tacto súúúúúúper suave. Ademais, conta con peches en mans e pés para que poida agarrarse e abrazar como o faría coas árbores na selva. Estamos seguros de que aos peques encantaralles poder ler a súa historia unha e outra vez mentres xogan con ela.
Ás veces creamos un peluche a partir dun personaxe dun libro e outras creamos un libro a partir dun concepto de peluche. O libro '¡Cucú!' conta con toda unha familia de xoguetes de IKEA para coleccionar”
Jorge Santoyo, promotor de produto de IKEA e os Nenos
¡Cucú!
Este é o primeiro libro para bebés de IKEA. Ademais, tamén vai acompañado do pequeno peluche de panda, protagonista desta historia. Un bebé panda que ten o tamaño perfecto para acurruncharse mentres lle les o conto antes de deitarse.
Os peluches como este son ideais para os máis peques da casa (de 0 a 2 anos), xa que son a combinación perfecta para desenvolver habilidades sensoriais e alentar o crecemento social e emocional.
BOKLIG: unha saga de animaliños no bosque
El búho se va de vacaciones é o primeiro dos contos que podemos atopar neste paquete de tres. Este sabio bufo, mestre de todos os nenos que van á escola do bosque, necesita unhas vacacións e a pega encárgase por un tempo das clases.
No segundo libro, animámosvos a que compartades a viaxe do ourizo para coñecer os animais e as plantas do bosque. E no terceiro, o alce STRÖVA cre que non pode ser o rei do bosque e o xabaril KNORRIG prefire vivir ao aire libre.
Descubre todas as historias destes animaliños cos seus protagonistas, como este monicreque do moucho.
Encántanme as ilustracións de Ann-Cathrine, realmente dan vida aos contos. E tamén presta moita atención aos detalles: incluso ponse en contacto con expertos en natureza para comprobar que as flores e follas son auténticas”
Sophie Holmqvist, autora de Orangutana tiene miedo
Máis alá dos contos, libros para colorear e xogar!
Non todo son libros de contos para agasallar os nenos este Nadal: tamén podes probar cos libros de actividades PYSSLA e LUSTIGT, cheos de páxinas para colorear e xogos para fomentar a creatividade do teu pequeno. Cuns cantos lapis de cores ou rotuladores, a diversión está asegurada.
Encántanos que os clientes utilicen os nosos produtos dunha forma creativa. Atrévete ti tamén! Pero debes ter en conta que as modificacións e cambios que introduzas nos produtos de IKEA impiden que se poidan volver vender ou utilizar para o seu uso orixinal, polo que invalidan as garantías comerciais de IKEA e o dereito a devolución.
