Os agradables froitos da horticultura doméstica

Logo de plantar e cultivar, é a hora da colleita

Hai pouco que analizamos os efectos secundarios positivos da xardinería doméstica. Primeiro, os aspectos táctiles do proceso da sementeira e da plantación e, despois, o benestar que produce cultivar e ver agromar as plantas (ligazóns a ambos na parte inferior). Se escolliches plantas comestibles, é o momento de recoller os froitos.

Moitas plantas, como as ceboliñas e os tomates, son perfectas para as apañar aos poucos (ao cortar os rebentos das herbas para atrasar a floración pódeselles mesmo prolongar a época). É como darlle un toque fresco e verde a unha comida ao día.

Pendura as túas herbas en perchas para que sequen

Cultivar herbas é xa unha tradición. Ademais de as empregar frescas, moitas son perfectas para as secar. O secado fai que duren máis e concentra o seu sabor; ademais, fai dunha simple percha algo bonito.

Conservación e protección

Independentemente de que a conserva en vinagre sexa unha tendencia culinaria, esta práctica é antiga, moi fácil e deliciosa. Pon o que queiras conservar durante máis tempo nun recipiente e éncheo de líquido de conserva en vinagre. Beleza e sabor nun bote.

Cantos máis sentidos, mellor

Aproveita a oportunidade para compartir os teus produtos. Que os cultivases ti dálle valor á experiencia; daquela, por que non convidar a outra xente? Cando os prepares, inclúe tantos sentidos como poidas: arranxo da mesa, flores (comestibles)...