Organiza os xoguetes cunha almacenaxe intelixente
Organiza e almacena a roupa dos nenos e os xoguetes para o baño seguindo estes tres doados consellos. Quen sabe, o mesmo manter as súas cousas ordenadas motívalles a organizar as súas propias cousas!
1. Axuda aos nenos a prepararse cun doado acceso á almacenaxe. Coloca guías á altura axeitada para eles poderen coller os seus propios abrigos. Déixalles espazo para que exhiban os seus tesouros na casa de bonecos (personalizamos a nosa con papel nas paredes). Os zapatos ben organizados en ganchos ao nivel do chan (estes pintámolos de rosa empoado).
2. Simplifica a orde tras a hora do baño. No canto de deixares as cousas dos nenos secándose na bañeira para logo sacalas, aforra tempo recollendo os xoguetes nunha bolsa de rede que che permite ver o leva dentro. Só tes que colgala e todo estará seco e preparado para mañá pola noite.
3. Deixa que os nenos xoguen libremente no salón. Logo, reclama o teu espazo de adulto colocando os xoguetes en caixas de distintos tamaños. Proba a agregar algúns compartimentos para manter as cousas e pezas máis pequenas en orde. Cando poñer orde é así de doado pode que os máis pequenos queiran axudar tamén.
Encántanos que os clientes utilicen os nosos produtos dunha forma creativa. Atrévete ti tamén! Porén, debes ter en conta que as modificacións e cambios que introduzas nos produtos de IKEA impiden que se poidan volver vender ou empregar para o seu uso orixinal, polo que invalidan as garantías comerciais de IKEA e o dereito a devolución.
Autores
Deseño de interiores: Elin Stierna
Fotografía: Nicklas Rudfell
Texto: Anna Blom
Deseño de interiores: Elin Stierna
Fotografía: Nicklas Rudfell
Texto: Anna Blom
