O luxo ao alcance de todos nun baño ao estilo dun spa
Como crear un cuarto de baño onde desconectar e recargar enerxía cando tes pouco espazo ou orzamento? Un deseñador de interiores de IKEA asumiu o reto.
Coñece o deseñador de interiores
O sentido da orde é vital nun cuarto onde todo ten que ver co benestar. "Deseñei un espazo para relaxarse por completo logo dun día moi atarefado", di o deseñador de interiores de IKEA Fredrik Biel. "Creei un ambiente de spa cunha paleta de cores calmas e un altofalante Bluetooth ENEBY® para escoitar música relaxante. O armario HEMNES dálle ao cuarto un aspecto ordenado e elimina a sensación de desorde ou saturación".
Organización para crear un ambiente calmo
"Unha combinación de almacenamento aberto e pechado permíteche escoller o que desexas ocultar e mais o que queres mostrar", di Fredrik. "Montei lámpadas a cada lado do espello para iluminar o rostro de xeito uniforme ao se maquillar ou afeitar". Ademais, o armario tamén ten espellos no interior e os estantes son axustables para que o personalices segundo as túas necesidades.
Coordina as cores
Proba toques de acabados sinxelos, como unhas toallas perfectamente dobradas que se adapten ao teu esquema de cores. "Garda os teus produtos de spa favoritos en cestas para telos á man cando te dediques tempo a ti", afirma Fredrik. "Non espero que copies o cuarto de baño, pero si que che dea algunhas ideas sobre como poderías adaptar o teu".
Encántanos que os clientes utilicen os nosos produtos dunha forma creativa. Atrévete ti tamén! Porén, debes ter en conta que as modificacións e cambios que introduzas nos produtos de IKEA impiden que se poidan volver vender ou empregar para o seu uso orixinal, polo que invalidan as garantías comerciais de IKEA e o dereito a devolución.
Autores
Deseño de interiores: Fredrik Biel
Artista 3D: Simone De Lulii
