Novas e atrevidas cores de outono
Este outono, crea un ambiente persoal e optimista cunha combinación de cores e materiais sorprendentes e vivos. Realiza pequenos pero atrevidos cambios para renovar o fogar durante os meses máis sombríos que se aveciñan.
Coxíns para conquistar todos os sentidos
A idea de renovar o estilo do teu fogar pode chegar a ser abafante. Por onde empezar? Un bo comezo podería ser renovar as fundas dos coxíns. Créalo ou non, uns coxíns coloridos e atrevidos poden cambiar completamente o aspecto dun cuarto enteiro. E ademais, é un xeito económico de probar as tendencias antes de te lanzares á aventura.
Soña en cores
Á hora de mesturar e combinar estampados e cores, existen todo tipo de regras. No outono, non fagas caso de ningunha. Comeza polo dormitorio e combina fundas nórdicas con almofadas en cores pastel lisas. Entra con estilo no país dos soños.
Pon a mesa cun toque de cor
Unha mesa perfectamente coordinada é algo relativo. O contraste de cores e estampados na mesa é un excelente xeito de engadir un toque ecléctico. Aproveita a vaixela que xa tes como base e engádelle outras pezas antigas orixinais ou pezas únicas da feira local.
Non tes que cambiar a decoración do teu fogar para darlle un aire novo e fresco".”
Mia Gustafsson, deseñadora de interiores de IKEA
A inspiración está en todas as partes
Decidiches renovar o teu fogar, pero non sabes como? Mira ao teu arredor. Inspírate na cor das fotografías da túa última viaxe. Un graffiti dun túnel da túa cidade. Ou pasea polo campo cunha cámara para capturar ideas creativas.
Encántanos que os clientes utilicen os nosos produtos dunha forma creativa. Atrévete ti tamén! Porén, debes ter en conta que as modificacións e cambios que introduzas nos produtos de IKEA impiden que se poidan volver vender ou empregar para o seu uso orixinal, polo que invalidan as garantías comerciais de IKEA e o dereito a devolución.
Autores
Deseño de interiores: Mia Gustafsson
Fotografía: Johan Månsson
Texto: Henrik Annemark
