Non lle deas máis voltas!
Cando a festa empeza en media hora e ti aínda non te duchaches, é probable que envolver agasallos non sexa unha das túas prioridades. Pero se paras un segundo, respiras fondo e botas unha ollada nos caixóns, talvez teñas todo o que precisas.
Sae do paso cunha bolsa bonita
Vale, seica moitos non temos bolsas de regalo sempre á man, pero se as tes, estás de sorte. Son unha solución rápida e práctica para calquera cousa pequena dabondo como para caber nelas. Emprega etiquetas de papel e decoracións de Nadal para que o teu agasallo sexa aínda máis especial.
Un envoltorio que dura
Déixate inspirar pola tradición xaponesa do "furoshiki" e, no canto de empregares papel, envolve o teu próximo regalo en tea. Perfecto! Non só porque queda xenial, senón porque o podes reutilizar cantas veces queiras.
A unha caixa!
Envolver un regalo para que quede bonito non ten por que ser máis complicado que metelo nun bote, nunha lata ou nunha caixa. Non precisas máis. Agás se lle queres poñer por riba unha fita e unha poliña, claro.
Un acerto seguro
Algúns agasallos son case unha garantía de éxito. Por exemplo, unha caixiña decorada de lata para encher coas túas galdrumadas favoritas (feitas por ti ou non). E ademais, podes comer cantas queiras mentres a preparas.
Encántanos que os clientes utilicen os nosos produtos dunha forma creativa. Atrévete ti tamén! Porén, debes ter en conta que as modificacións e cambios que introduzas nos produtos de IKEA impiden que se poidan volver vender ou empregar para o seu uso orixinal, polo que invalidan as garantías comerciais de IKEA e o dereito a devolución.
