Nadal na casa: 7 imprescindibles de decoración de Nadal

1. A árbore de Nadal e os seus adobíos 

Se hai un imprescindible que ocupa o primeiro posto na maioría dos fogares durante estas datas, é a árbore de Nadal. Temos de todos os tamaños e formas, mais se o que buscas é unha opción económica, que non ocupe moito espazo nin requira demasiados adobíos, recomendámosche apostar por unha máis pequena. A da foto mide 19 cm, é de plástico procedente de polo menos 30% de fontes renovables e vén cun fermoso detalle en xuto que adorna o testo e dá un efecto moito máis acolledor. A pesar de que é pequena, para que tivese máis presencia o que fixemos foi situala sobre un moble de madeira. 

Poderás decorala facilmente con poucos adobíos. Nós optamos por bólas vermellas, douradas e verdes e, como detalle final, puxémoslle por baixo unha figuriña de Santa Claus. Que che parece o resultado?  

2. Figuriñas para crear un acolledor recuncho de Nadal  

A pesar de gozaren dun protagonismo sen rival, a decoración de Nadal non é algo exclusivo da árbore. Por iso, se quixeres que chegue a máis estancias da casa, podes crear fermosos recunchos como o que ves na foto, para os que apenas terás que combinar dous ou tres elementos. Quedarán moi ben no recibidor, na sala de estar ou mesmo nalgún dormitorio, e ademais o gasto será mínimo.  

No noso caso, colocamos un farol vermello da nosa colección VINTER cunha candea aromática da mesma cor e, ó seu carón, un prato con dous figuriñas de Nadal e un pequeno portacandeas branco con outra candea vermella. Como ves, é moi sinxelo e económico, mais non por iso dá a sensación de a decoración estar pouco coidada.  

3. Candeas de Nadal para un fogar máis acolledor 

Seguindo nesta liña, recomendamos que apostes polas candeas para decorar a túa casa este Nadal. Son únicas para ter un fogar máis acolledor e recollido, algo que nos axudará a estar moito máis a gusto, especialmente agora que imos pasar máis tempo na casa.  

Calquera tipo de candea ha funcionar, mais nós optamos polas da nosa colección de Nadal porque lle dan un aquel máis festivo ás diferentes pezas da casa. Colocámolas sobre un sinxelos portacandeas de vidro que, como son neutros, combinan perfectamente cos diferentes deseños de candeas.  

4. Unha vaixela para celebracións de Nadal informais 

É hora da decoración da mesa para as comidas e as ceas, un dos puntos fundamentais do Nadal. Neste senso, polo xeral centrámonos nas grandes datas sinaladas no calendario, como son Noiteboa ou Noitevella, mais o certo é que durante estes días son moitas as celebracións que ocorren derredor dunha mesa. 

Por iso, nesta ocasión, apostamos por unha vaixela con aires de Nadal, pero menos formal, perfecta para petiscar algo no comezo das vacacións, un café con doces de Nadal ou a celebración do amigo invisible. Unha colección de pratos e cuncas de cor branca e granate que, acompañada da botella e a lata para galletas con motivos de Nadal, crean a combinación perfecta. O mellor desta vaixela é que, unha vez rematan as festas, poderás seguir utilizándoa. Así pois, como resultado temos unha vaixela moi accesible e versátil que poderemos utilizar o resto do ano.

5. E para dar un aire a Nadal ás comidas diarias

Xa que imos botar bastante tempo na casa, por que non dar unha alegría festiva tamén ás nosas comidas cotiás? Como diciamos ó principio, non fai falta unha grande ocasión para termos algo que celebrar, máis ben é que agora nos propuxemos saborear os pequenos momentos.  

Para isto tamén vai moi ben a vaixela da que falamos antes, moi acaída en calquera comida, como o almorzo. Para que teña un aire máis festivo, apostamos por esta fermosa e económica bandexa de Santa Claus, que nos ha permitir levar dun lugar a outro as nosas comidas diarias, co espírito festivo sempre presente.   

6. Unha coroa para as datas máis especiais  

No entanto, tampouco esquecemos os momentos máis especiais do calendario e traémosche un adobío que podes empregar como quixeres e que dará un aire máis aquelado á peza da casa onde o coloques.  

Trátase desta coroa de Nadal artificial , que ten un deseño óptimo para aquelas persoas que buscan unha decoración de Nadal máis sinxela e inspirada na natureza. Unha das formas que hai para colocala é a que ves, cuns cordeis pendurados sobre a mesa do comedor.  

Ou ben directamente na mesa, como centro. Como ves, neste caso combinámola cunha mesa na que destaca a tonalidade branca, polo que a coroa da nosa coleccións VINTER 2020 é a protagonista e única encargada de achegar o toque festivo. Porén, tamén pode combinar perfectamente con outros manteis e vaixelas con máis cor. Depende do efecto que busques! 

7. Grilanda para unha decoración festiva natural

Por último e na liña sinxela e natural da coroa, propomos esta fermosa grilanda para decorar a túa casa. Contrariamente ás típicas e coloridas fitas de Nadal, esta traerá es aire a Nadal ó teu fogar dun xeito moi sutil. Así que se che gusta a decoración neutra e pouco cargada, pode ser ideal para ti. É moi económica, así poderás colocar varias en diferentes pezas da casa, como nas portas e fiestras. 

Como ves, do mesmo xeito cá coroa, tamén funciona moi ben para decorar a mesa nas comidas e ceas de Nadal. Só terás que estendela por riba e xa está. Tamén podes pór algunha candea a carón e crear así un ambiente máis acolledor.