5 mobles de salón económicos para as actividades de toda a familia
O salón é o centro do teu fogar? Se este cuarto converteuse no lugar principal para teletraballar, xogar, facer deporte e desfrutar do tempo libre, propoñémosche algúns mobles e accesorios que te axudarán a manter a orde e faranche a vida máis doada. Así conseguirás ter mobles multifuncionais que che permitirán almacenar moitas das cousas que tes polo salón e facilitaranche telo todo a man para cando o precises. Toma nota destes mobles e accesorios para ter o salón ordenado por pouco diñeiro!
1. KALLAX, o estante máis doado de ordenar
Seguramente xa oíches falar do noso estante KALLAX, un dos nosos mobles básicos e económicos para calquera fogar. Por menos de 20 € podes ter módulo de dous andeis. Un estante que podes fixar á parede ou deixar no chan. Ademais, temos unha morea de caixas e cestas que encaixan perfectamente con KALLAX para facilitarte a almacenaxe. Un estante ideal como moble para colocar o televisor e gardar dentro todo o que non queres que quede á vista: xoguetes, mantas, revistas, papeis e documentos ou o teu material para facer deporte.
2. LACK: a nosa mesa máis versátil
Outro dos nosos clásicos é a mesa auxiliar LACK, que por menos de 10 € pode ser unha gran aliada do teu salón. Por que? Porque é unha mesa lixeira e práctica que pode servir como mesa de centro para que os máis pequenos da casa xoguen e fagan os seus debuxos e tarefas, ou como mesa auxiliar para apoiar o teu material de oficina se tes que teletraballar nese cuarto.
Mira neste vídeo como personalizala cuns sinxelos trucos de decoración.
3. RÅSKOG: un carriño para transportar a túa oficina
Trátase dun dos nosos carriños máis icónicos, ademais dun accesorio multifuncional que te axuda a ter sempre todo a man. Por iso nos encanta! É ideal se tes pouco espazo en casa e teletraballas na mesa do comedor. Deste xeito, podes ter no carriño todo o teu material de oficina para cando traballes e retiralo a algún recuncho cando remates. Tamén pódeche servir para gardar todo o teu material para facer exercicio ou o material escolar dos cativos, para facer as tarefas ou pintar.
4. BOSNÄS: o puf para os maiores e os cativos
Este puf é perfecto para almacenar os xoguetes dos cativos e que eles os poidan coller cando queiran, e tamén serve de asento extra por se tes invitados e para descansar os pés cando queiras desfrutar do teu tempo libre no salón. Non che parece xenial ter un moble con tres funcións por menos de 20 €?
Se estás a buscar máis ideas para ordenar os xoguetes dos teus fillos, non te perdas este vídeo no que te mostramos os mellores mobles para gardalos.
5. FLÅDIS: unha cesta para ordenar e decorar
As cestas son ideais para a almacenaxe do salón porque son económicas, prácticas e xeitosas. Pero, ademais, sabías que é un produto elaborado cun material 100 % sostible e que está tecido á man?
FLÅDIS custa menos de 10 € e pode servir para gardar as túas mantas do salón, algúns peluches ou xoguetes dos cativos, revistas e libros, e incluso pode ser un marabilloso soporte de testos para as túas plantas. Podes colocar estas cestas en calquera recuncho, ocupan pouco espazo e dan un toque decorativo ao cuarto. En IKEA podes atopar cestas de diferentes tamaños e materiais, para que escollas a que mellor combine co teu salón.
Que che pareceron estes artigos básicos para ordenar o teu salón? Ten en conta que seleccionamos os máis económicos, pero temos opcións para distintos presupostos e necesidades. Deixámosche un enlace aos nosos mobles de salón, por se precisas conseguir algún, e un artigo con máis ideas para ordenar o salón.
Encántanos que os clientes utilicen os nosos produtos dunha forma creativa. Atrévete ti tamén! Porén, debes ter en conta que as modificacións e cambios que introduzas nos produtos de IKEA impiden que se poidan volver vender ou empregar para o seu uso orixinal, polo que invalidan as garantías comerciais de IKEA e o dereito a devolución.
