Descubre os principais beneficios da xardinería
Ademais de ser unha actividade moi agradable e entretida, a ciencia suxire que pode afectar de xeito positivo os que a practican. Contámosche cales son os principais beneficios da xardinería; cando os coñezas, quererás poñerte mans á obra!
1. Fortalece o sistema inmunolóxico
Segundo estudos da SLU, a Universidade de Ciencias Agrícolas de Suecia, situada en Alnarp, o contacto físico con plantas pode ter efectos beneficiosos, mesmo curativos. Ese impacto positivo no sistema inmunolóxico é maior cando a xardinería se practica ao aire libre. Isto é así porque cando recibimos a luz do sol, aumentan os niveis de vitamina D, que intervén en diferentes procesos do sistema inmunolóxico e axuda a absorber o calcio, entre outras funcións.
Por suposto, para que a devandita exposición non supoña ningún risco, é importante evitar as horas centrais do día (12-16 h) e protexerse con crema solar e sombreiros durante a práctica.
2. Reduce o estrés
Aínda que o estrés ten unha función positiva de supervivencia, pois nos axuda a reaccionar ante as adversidades, se se sofre de xeito moi frecuente, pode ser moi prexudicial para a saúde e afectar o desenvolvemento da vida normal da persoa. Por iso, buscar xeitos de reducir o estrés é prioritario cando esta situación se alonga no tempo.
É o teu caso? Temos boas novas! Segundo un estudo publicado no Journal of Health Psychology, pasar media hora ao día realizando tarefas de xardinería ou de cultivo reduce os niveis de cortisol, a hormona encargada de regular o estrés.
3. Axuda a manterse en forma
A xardinería e o coidado de cultivos é unha actividade que implica movemento físico aeróbico. Aínda que é certo que depende de cada tarefa, hai algunhas que poden chegar a ser realmente vigorosas. De feito, uns 45 minutos dedicados a esta actividade equivalen a unha media hora facendo exercicio, polo que, se se practica diariamente ou varias veces por semana, é ideal para manterse en forma.
Así que, se queres aumentar o gasto calórico e tes interese pola xardinería, non o dubides máis e empeza a plantar. Á parte do exercicio cardiovascular, tamén se traballa a coordinación cando se realizan tarefas minuciosas como plantar sementes e a forza ao repetir determinados movementos. Supercompleto!
4. Promove unha alimentación máis saudable
Estar en contacto co mundo vexetal e contar cunha pequena horta ou árbores froiteiras pode ser moi beneficioso para a alimentación. Por unha banda, coidar deles farache valorar moito máis este tipo de alimentos e aumentar o seu consumo, o que ten un impacto directo na saúde. Por outra banda, fará que a túa alimentación sexa máis sostible, xa que unha parte dela provirá do cultivo propio.
5. Aumenta a autoestima
Contar cun proxecto propio, como coidar do xardín e observar día a día o froito do noso traballo (nunca mellor dito), aumenta la satisfacción e a autoestima. Cun pouco de dedicación e constancia, o teu xardín ou horta converteranse nun lugar precioso polo que sentirás un grande orgullo. Próbao!
6. Mellora o estado de ánimo
Ademais de aumentar a autoestima, a xardinería tamén pode axudarche a ser moito máis optimista e positivo ante as diferentes circunstancias da vida. Así o demostraron varios estudos, nos que se comprobou que as persoas con depresión que dedican varias horas semanais a esta actividade melloran moito en comparación coas que non. De feito, existen terapias hortícolas cuxo obxectivo é mellorar a saúde mental.
7. Traballa a memoria
O feito de que a xardinería reduza os niveis de cortisol non só axuda co estrés, senón que favorece a capacidade de concentración e aprendizaxe. Todo isto tradúcese en beneficios para a memoria.
Ademais, á parte de facilitar a redución do cortisol, a propia actividade en si supón a posta en marcha de diferentes procesos moi positivos para manter activo o cerebro. Polo tanto, é unha actividade moi completa para exercitar a memoria.
8. Favorece o descanso
Outra das consecuencias de reducir os niveis de estrés e aumentar a actividade física é que o descanso nocturno pode verse moi beneficiado. Por unha banda, porque a actividade xerará unha sensación reconfortante ao final do día e, por outra, porque estaremos máis cansos fisicamente e será máis fácil conciliar o sono.
Que che parecen todos estes beneficios? Seguro que xa estás desexando empezar a practicala para ver os efectos na túa vida. Se é así, aquí che deixamos un par de artigos máis que poden interesarche, para ampliares coñecementos antes de poñerte mans á obra.
Encántanos que os clientes utilicen os nosos produtos dunha forma creativa. Atrévete ti tamén! Porén, debes ter en conta que as modificacións e cambios que introduzas nos produtos de IKEA impiden que se poidan volver vender ou empregar para o seu uso orixinal, polo que invalidan as garantías comerciais de IKEA e o dereito a devolución.
