Ideas low cost para dormitorios universitarios creativos
A época universitaria é unha das máis especiais da nosa vida. Por iso, invitámoste a que imaxines que o teu cuarto é como un lenzo en branco. É o espazo perfecto para plasmar a túa personalidade e os teus gustos sen ter que pintar as paredes, comprar mobles grandes ou gastar moito diñeiro. A través de cambios pequenos, ideas versátiles e toques sinxelos, podes conseguir un cuarto perfecto tanto para gozar como para estudar.
Abrimos as portas deste cuarto universitario cheo de pequenos toques decorativos, funcionais e artísticos low cost, que nos parece unha auténtica marabilla.
Esperamos que vos sirva de inspiración!
Que roupa de cama escoller
Se queres un dormitorio universitario tan cheo de vitalidade e creatividade coma este, escolle téxtiles con estampados ou cores rechamantes. Ademais, se queres darlle máis versatilidade a esta zona do cuarto, recomendámosche que poñas na cama unha saba baixeira cómoda e moitos coxíns para poder usala tamén como sofá. Deste xeito, poderás darlle dobre uso e apoiar as costas comodamente.
Se prefires darlle un toque de cor noutra zona, proba cunha alfombra estampada ou fundas de coxín en cores vivas.
Decoración suspendida coma unha exposición
Neste dormitorio móstrase unha proposta interesantísima: colgar láminas, fotos ou cadros de xeito que creemos unha especie de exposición. Podes colgar estas pequenas "obras de arte" con fita adhesiva ou ganchos para cortinas a fin de poder cambialas doadamente cando queiras.
É unha maneira moi barata de colocar os teus pósteres, cadros, láminas ou fotos preferidos sen ter que comprar marcos de fotos nin complicarte facendo buracos na parede.
Ademais, póñense e quítanse nun chiscar de ollos, así que non te aburrirás deles nunca.
Mobles multifuncionais
Se o teu cuarto é pequeno ou, simplemente, non queres acumular mobles e cousas innecesarias tanto polo espazo como polo aforro, podes optar por utilizar unha mesma zona ou un mesmo obxecto para varias funcións. Isto é o que se coñece como mobles multifuncionais.
Non só temos mesas que serven de almacenaxe ou sofás que se converten en camas: tamén podemos darlle un segundo uso a mobles que xa temos no cuarto, como pode ser a cadeira.
En realidade, unha cadeira nun dormitorio non serve só para amontoar a roupa ata que nin sequera se ve debaixo da montaña, senón que tamén pode ser ideal como mesa de noite na que colocar unha lámpada de pinza sinxela e útil, ademais dun vaso de auga e un libro.
Dálle unha volta ás posibilidades dos teus mobles para aforrar espazo e diñeiro!
Adapta o escritorio ás túas necesidades
Algo tan importante nun dormitorio universitario como pode ser o escritorio non pode escollerse nin colocarse de calquera maneira. Aquí móstrase xunto a unha ventá con cortinas para poder ter luz e privacidade á vez, pero poñendo o foco no cabalete de pintura, que é o traballo ao que máis tempo se dedica neste cuarto.
Por iso, a mellor lección que sacamos é que debemos adaptar o cuarto e o escritorio ás nosas necesidades, e non ao revés.
A cadeira do escritorio está noutro sitio, e aquí o tallo para que o seu dono poida traballar de pé comodamente nos seus cadros, preto da luz natural. Neste caso, o escritorio vai moi ben para poder ter unha caixa transparente co material de pintura á man.
Un armario do máis versátil
Ás veces, un armario convencional non colle nun dormitorio. Tamén pode ser que simplemente queiramos que se adapte ao que precisamos e preferimos crealo nós para que nos sirva non só para a roupa, senón tamén para moitas outras cousas.
Por iso, aquí ocultouse todo o que se colocou nestes estantes cunha cortina:
- Escolle unha tea por metros que che guste e cólgaa cuns ganchos nos estantes para que non se vexa o seu contido.
- Se non queres ter que coser nada, pon unha fita grosa na tea e faille unhas botoeiras cunhas tesoiras.
- Ordena o interior do teu armario personalizado con caixas e cestos. Que non se vexa non quere dicir que poida estar desordenado!
Ao facer cousas por ti mesmo non só crearás un dormitorio con personalidade, tamén aforrarás moitísimo.
Como usar un burro de roupa como organizador
Neste caso, a guía é perfecta porque ten rodas e un soporte, é de altura regulable e serve para moitas cousas. É un complemento ideal se tes espazo suficiente para organizar todo tipo de cousas: non só é útil para a roupa!
- Compleméntao con organizadores colgantes con compartimentos: neste caso usáronse para pinceis, pero tamén podes usalos para outro tipo de complementos como lentes, cintos etc.
- Pon perchas con pinzas para colgar prendas de roupa e todo o que queiras, como estas láminas pintadas hai pouco que se están secando.
- Pon tamén un cesto ou unha caixa para que resulte unha solución de almacenaxe aínda máis práctica e persoal.
As pequenas solucións deste tipo permítenche organizar o teu dormitorio universitario e tirarlle o máximo proveito posible.
Ei! Se queres máis ideas de dormitorios, non perdas:
Encántanos que os clientes utilicen os nosos produtos dunha forma creativa. Atrévete ti tamén! Porén, debes ter en conta que as modificacións e cambios que introduzas nos produtos de IKEA impiden que se poidan volver vender ou empregar para o seu uso orixinal, polo que invalidan as garantías comerciais de IKEA e o dereito a devolución.
