Un estudio con alma: un pequeno apartamento con espazo para todo

"Aquí é onde traballo. Ás veces estou tan metida na música que traballo máis tempo do que debería. No meu intento de achegarme ao esquivo equilibrio entre a vida e o traballo, programei as luces para que se atenúen ao final da xornada. Isto recórdame de xeito sutil, mais efectivo, que é hora de afastarme do piano e gozar da noite".

"Aínda que nunca diría que non a unha noite explorando a cidade, moitas das miñas noites favoritas paseinas na miña pequena cociña. Abofé que si! Non teño comedor, así que engadín sitio para sentar e, sen querer, convertín a cociña no punto de encontro cos amigos. De feito, moitas das miñas colaboracións musicais comezaron aquí, tamborilando no mesado".

"Pensaba que tería que desfacerme dalgúns aparellos, mais atopei un lugar axeitado para gardalo todo. Ademais, así todo está ordenado sen demasiado esforzo, o que resulta moi cómodo. Os dous pequenos estantes para especias son a única almacenaxe á vista para poder acceder facilmente a todos os meus sabores e aromas favoritos".

"Se cadra é porque traballo dende a casa, ou quizais é pola natureza do meu traballo. Porén, dende que instalei os estores opacos intelixentes, a miña rutina de sono cambiou para ben. Non só bloquean a claridade do exterior, senón que se abren sós pola mañá, así que non teño que poñer alarma. A maxia da tecnoloxía!"

"Pode que sexa pequeno, mais debaixo hai suficiente espazo para gardar o repousapés cando non o uso para coller unha lima de uñas do estante superior do meu armario. E, por se non vos decatastes, a luz intelixente é a miña nova mellor amiga. Agora aquí sempre teño unha iluminación perfecta, para momentos de relax ou para activarme".

"No fondo, son unha completa maximalista. Grazas a estes armarios altos, agora teño un recibidor ben aproveitado no que podo gardar todo o que queira, como a miña prezada colección de bolsos. Lista para pasar unha noite na cidade".