Pregunta a un deseñador: un fogar feliz onde os nenos poden desenvolverse

Segundo Mia, a parte máis importante de vivir con nenos é a seguridade. Nesta casa hai tres nenos pequenos, polo que se asegurou de que todos os mobles grandes e cables soltos estivesen fixados á parede. Usáronse topes de seguridade para pechar as xanelas e para manter os dediños fóra dos caixóns e dos armarios. "Os pais tamén se poden sentir seguros sabendo que todos os produtos para nenos de IKEA, como xoguetes e roupa de cama, se probaron de xeito exhaustivo para verificar que son seguros e que non conteñen produtos químicos tóxicos", afirma Mia.

Unha vez marcadas todas as caixas de seguridade, o seguinte que fixo Mia foi engadir mobles que resaltasen o aspecto acolledor da familia. "Seleccionei menos mobles, pero máis grandes, que todos puidesen usar e que servisen para cousas diferentes", explica Mia. Un exemplo é a mesa de comedor de tamaño familiar, que se usa para todo, dende comer até facer os deberes, arte e manualidades.

Un dos obxectivos de Mia para esta casa era axudar aos cativos a atopar e coidar das súas cousas dende ben pequenos. Asegurouse de incluír unha almacenaxe á que os nenos puidesen acceder facilmente sen axuda, como caixas e ganchos colocados a pouca altura. "Tamén creei zonas de actividade concretas, como un recuncho artístico e unha mesa para plantar, onde todo o que precisan os nenos se atopa nun só lugar".