Calidade de vida: decoración contemporánea nun apartamento dun dormitorio

Non hai tal cousa como ser demasiado selectivo. Neste apartamento, escolléronse todas as formas, texturas e materiais de forma deliberada, sen pasar por alto ningún detalle. As madeiras cálidas e as formas de mediados de século aparecen con regularidade e unifican o espazo.

Se che gusta a moda, por que ocultala tras as portas do armario? Neste apartamento, o recibidor convértese no fogar dunha colección ben pensada de sombreiros e accesorios, non só para darlle unha benvida con carácter aos visitantes, senón para fornecer unha solución intelixente para saír da casa con estilo. Obtén máis información sobre como usar a almacenaxe para mostrar a túa personalidade coa deseñadora de interiores Chiara Effroi Lutteri.

A elegante cociña con armarios de chapa de carballo mantén os utensilios e as baterías de cociña fóra da vista. Mais a paixón deste cabaleiro polo café non se pode ocultar, por iso ten a súa propia cafetaría persoal.

Pode que viva só, mais nesta casa os amigos e a familia sempre son ben recibidos. O espazo de comedor é punto de encontro dos invitados deste apartamento e ten unha mesa extensible na que poden sentar até a dez persoas.

Un espazo para desenrolar a alfombriña de ioga pola mañá ou pasar un anaco cun amigo despois do traballo: este balcón serve para as dúas cousas. Con vexetación exuberante, lámpadas e unha cadeira moi cómoda para crear o ambiente axeitado para gozar dun ben merecido descanso.

Traballa duro e xoga moito… E tamén lle gusta moitísimo durmir. Con esta cama supercómoda, téxtiles suaves e luz e son integrados, este dormitorio inspirado nun hotel é un espazo que se toma o descanso moi en serio.

Tárdanse anos en crear esta colección de camisas de algodón, botóns de puño e gafas de sol, e aquí e onde se poden gardar e admirar. Os organizadores interiores manteñen todo ordenado e accesible, para que cada prenda teña o seu propio espazo baixo os focos.

Todos queremos tempo para nós, mais cando? Segundo el, o truco está en crear unha rutina non negociable: reunións breves consigo mesmo que programa como outra cita máis. Para unha ducha pola mañá cedo ou o ritual de afeitado dos domingos, un baño ben organizado permite que eses momentos de teu sexan posibles.